Samsam gipili ang pagpangalagad
JAV, BANATI! - Javier Yntig Tapulado (Banat) - October 10, 2018 - 12:00am

Niay apostolikanhong kinaiya ni 1st District Cebu Congresman Gerald Anthony ‘Samsam’ Gullas nga makapatandog sa kasingkasing.

Niadtong Septiyembre 23, birthday sa iyang anak, diin gisukod iyang kasingkasing unsay palabihon: ‘ang pagtambong sa birthday party sa iyang anak, o ang pag-adto sa Tinaan, Naga City landslide nga mitabon-buhi sa sobra 80 ka lumolupyo, kinsa mga biktima sa mapintas nga trahedya nga daw higanteng dam sa tubig nga nabungkag - midahili-tabon sa mga kabalayan gumikan sa pagpasagad sa tawo?’

Daghang kamot ang nagtinabangay sa pagkawot sa kriminal nga anapog – namasin nga may nag-agulo pang kinabuhi nga maluwas.

Mga sinako ug kinartong hinabang, gikan sa tubig ngadto sa pagkaon ang nag-ulhos-ulhos sa pag-abot, timaan nga panahon sa kasakit ug kalisod, ang nagkalainlaing bulok sa politika nahimong usa ug nagkahiusa, diin usa ray mensahe ang gustong ipakayab – nga panahon sa katalagman, abiyerto gyod kanunay ang kasingkasing sa mga Sugboanon, kinsa andam mohatag kutob sa unsay ilang matunol ngadto sa mga biktima nga nanginahanglan.

Mahimo baya nga mo-excuse lang si Samsam nianang adlawa nga giselebrar sa ilang pamilya ang kasumaran sa adlaw’ng natawhan sa iyang gamay pang anak, kinsa malipay gayod unta nga makakita sa presensiya sa amahan, kinsa mokugos sa bata, mo-kiss sa aping dungan ang pag-ingon: “Happy Birthday, Sweetheart!”

Apan lahi, ang matang sa kasingkasing nga anaa ni Samsam.

Gipadaplin una niya ang happy moment sa ilang pamilya ug maoy gipalabi ang padayong pagpangalagad sa  Naga City landslide victims pinaagi sa pagpanghatag og relief goods and financial support sa nagbangotang siyudad.

Pagkadalaygong buhat! Makapuot sa dughan tungod sa katalagsaong kinaiya! Mao nga nakaingon ko. Maayo gyung pagkaagak ni Talisay City Mayor Eddiegul Gullas ang iyang apo diha sa pagpasubay ni Samsam sa matarong dalan sa pagpangalagad, diin bisan ang pagpangalagad usahay mahimong usa ka dakong sakripisyo sa kinabuhi, malipayon gihapon nila kining gidawat sanglit ang pagsakripisyo alang sa kaayohan sa isi’g-katawo, usa man ka gugma sama sa gibuhat ni Hesukristo, kinsa misakripisyo sa pagpas-an ug pagpalansang sa krus tungod sa Iyang dakong gugma natong katawhan.

Ang pamilyang Gullas gikan sa Diyosnong punoan. Busa, ang mga bunga, Diyosnon usab.

Di lang kutob sa pulong. Kondili, gibuhat!

PAGPANGALAGAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with