Labing maayong prutas sa gi-diabetes (2)
Ang strawberries, gawas nga menus kini’g asukar nga 5 gramos lang sa kada 100 gramos ini, nagbaton sab og daghang sustansya sama sa fibers, manganese, folate ug dasok sab kini sa vitamin-C, nga sa 100 gramos (5-6ka buok), makahatag na kini’g 98% nga vitamin-C.
Maayo idugang ang strawberries sa pamahaw, iapil uban sa yogurts o oats, nga pulos lamian ug masustansya. Makabusog ug puno na sa maghapon nga enerhiya.
* Blackberries – dili lang kay usa kini sa labing maayo, kondili mas labaw pa kini nga kinamaayoha’ng berries nga konsumohon alang sa mga gi-diabetes. Gawas nga menus sa asukar (5 gramos kada 100 gramos), nakahatag sab ni’g 5 ka gramos nga fibers, nga kini makatabang sa metabolismo sa glucose.
Kay mas daghan og fibers, mas maayo aron motaas ang ‘insulin sensitivity’, nga nagpasabot nga ang lawas nga sensitibo kaayo sa bisag gamay lang nga insulin, moubos dayon ang ‘glucose’ o ang ‘bloodsugar.
Ug makaayo sab sa ubang isyu nga may kalabtanan sa diabetes, ang pagbalanse sa LDL kolesterol lebel ug pagkontrol nga madumala ang normal nga timbang sa lawas.
* Grapes (ubas) – nagbaton ni’g 16 gramos asukar kada 100 gramos nga ubas. Mas taas-taas kini og asukar apan nakalinya gihapon nga usa sa labing maayo nga prutas para sa gi-diabetes.
Sa mga pagduki-duki, kadtong hingaon og ubas o grapes, nimenus og 12% ang risgo nga magka-diabetes.
Hinuon segun lang kini sa obserbasyon, apan mga sayantis nagtuo nga ang ubas aduna kini espesyal nga butang pagkontrol sa ‘blood sugar’.
Nga ang nabatonang ‘polyphenol compound’ sa ubas, nagpakita og positibong epekto ug sa ubang isyu nga adunay kalabotan sa diabetes.
- Latest