Remedyo aron motin-aw ang panungog (1)
HIMSOG NGA KARAYURAN - Pons Abatayo (Banat) - August 8, 2018 - 12:00am

Mga problema sa panglawas sa tawo, sagad motumaw kon magkaedad na. Apan karon nga panahona, may daghan na ug nagkadaghan pang wala’y gipili nga pangidaron, nakabaton na’g kakulian, sama sa problema sa panungog.

Makadungog man kita apan dili kaayo maklaro aron sabton ang mensahe nga atong nadungog gikan sa atong gikahinabi. Dili kalikayan nga mosuna kita sa makadaghan hangtud nga magkasinabtanay.

Ang panungog, usa sa mahinungdanon pamatyag (senses) aron mabalanse ang pagsabot sa makitang lihok o kisaw sa palibot. Bentaha kaayo nga bisan sa diyotay nga kanaas, makahibalo na kita sa katin-aw sa atong madungog.

Ilabi nang naa kita sa kadalanan nga naglakaw o nagmaneho’g sakyanan, kuyaw nga  duol kaayo kita sa disgrasya kon dili kita makamatngon sa tingog sa sirbato. Busa di mokompiyansa, atimanon nga mabalikan sa maayong panungog.

Ang merkado karon, nagtanyag og nagkalainlaing tambal nga gipamaligya sa botika, apan kon buot ka sa natural nga pag-alibyo sulayi ang epektibo nga ingrediyente, dali ug simple ra kini buhaton nga way side effect.

Kumon kini sa kusina nga gigamit kada adlaw sa tibuok kalibutan nga mao ang ahos. Karaan na sab ning pang-alibyo sa mga problema sa atong panglawas. Tingali nakadungog na kita’g dagha’ng mga estorya, sama nga bisan sa baho sa ahos, magpalayo nga di ganahan mosimhot niini, ang mga dautang linalang sa kangitngit, maong gihimong taming kini aron dili makasulod nga mamiktima sa panimalay, di’ba?

Tungod sa kaisog sa abilidad sa ahos, dili kadudahan ang kaepektibo ini sa pagpahiuli sa normal nga panungog, basta walay buslot ang tambol sa dalunggan.            

 

 

PANUNGOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with