Suborno ug pinalitay
RENBOR PATROL - Rene U. Borromeo (Banat) - July 24, 2018 - 12:00am

Pila ra man gud ang madawat nga sweldo ni Mabolo Barangay Captain Niña Mabatid kon modaog siya pagka presidente sa Association of Barangay Councils?

Ang akong nahibaw-an nga mga P60 mil ang buwan sa mga konsehal sa dakbayan sa Sugbo, ug mao kini ang iyang dawaton nga sweldo kay molingkod man siya sa sCity Council isip ex-officio member nga morepresentar sa mga barangay kapitan.

Kana kon makadaog si Mabatid. Mao kini ang rason nga mora’g maglisud ko pagtuo nga mogasto si Mabatid og minilyon ka pesos aron iyang ipamalit sa botos sa mga kapitan kay tabla ra siya og naglabay sa iyang kwarta nga hinagoan.

Motuo ko ni Mabatid nga dili gyud niya usik-usikan ang iyang kwarta nga gipatoan niya’g singot.

Maglisud sab gani ko pagtuo nga si Kasambagan Barangay Captain Franklin Ong mamalit og botos kay majority man sila.

Apan motuo ko nga tingali, dunay mga saad nga gastohan niini ang mga kapitan nga iyang kaalyado nga mobiyahe sa laing nasud kon siya makadaog.

Ang tunog kaayo nga tabi-tabi mao nga ang mga kapitan gipaandam na sa ilang passport.

Gusto unta nako nga kuhaan og katin-awan niining maong isyu si Kapitan Ong apan dili na man motubag sa iyang mobile phone.

* * *

Unya, kagahapon, nahinabi sa mga reporters si Mabatid ug gitug-an niya nga iya karong gihuna-huna pag-ayo kon angay ba nga mopadayon siya paglansar pagka ABC president.

May nadawat kuno siya nga hulga sa kinabuhi, ug dili ra kay siya ra, apil kuno ang ubang sakop sa iyang pamilya nga gihulga, ug gisabot niya kini nga gitumong aron dili na siya modayon sa pagdagan.

Pastilan no, presidente lang sa ABC ingon niini na ang mahitabo? May pagpanghulga na? Hinoon, sa akong tan-aw, dili ko motoo nga may mohimo’g daotan kang Mabatid.

Dili sila maikog nga mohilabot og babaye nga wala gyuy ikasukol kanila?

Kon pangayoan ko og tambag, akong tambagan si Mabatid nga ayaw’g sibog ma’am, padayon sa imong tinguha.

Ang isyu sa mga pagpamalit og botos, dili na lang ko mohisgot kay sa pila na ka dekada nga nahimo ko nga reporter, napul-an na ko sa maong isyu.

Sila si Franklin Ong ug si Niña Mabatid, dunay iya-iyang isyu.

Si Mabatid naisyu kay siya ug ang iyang bana nangaway og kawani sa Waterfront Hotel, apan si Ong giisyuhan usab sa kampo ni Mabatid nga nagpahimulos sa panaghigala nila ni Mayor Osmeña ug nakabenepisyo sa kontrata sa City Hall.

NIñA MABATID
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with