Ipahungaw ayaw pugngi (2)

Kon magsugod na ang ginhawaan sa pagtunaw sa kadaghan sa atong kinaon, nga sa samang higayon, nagpundo sab og daghan tubig ang mga tisyu niini, samtang  ang gipihig nga dili na magamit sa lawas o hugaw, gaprodyus sab og toksik nga gasses.

Nga awtomatik mohungaw, kay kon kini magdugay sa sud sa ginhawaan, grabe na kini nga makahilo sa lawas.

* Ang baho sa toksik nga gasses – niining maong sitwasyon, makaayo sab kini usahay ang makahanggap sa napahungaw nga dautang hangin, kay ang ‘gasses’ nagbaton og ‘compound’ nga mosanta sa daghang matang sa balatian. Kini sigun sa resulta sa mga pagtuon.

Ang makalanag nga baho niini, nagagumikan sa ‘hydrosulfide’ apan ginagmay lang nga dili kanunay. Nga matud pa sa sugyot sa mga eksperto, makaayo ni nga nagsilbi’ng sugnod o enerhiya sa kasingkasing.

* Pagdeterminar kini sa nutrisyon – aron makorihian ang panginahanglan nato sa hustong nutrisyon aron pagpahimsog sa atong panglawas. Nasayod ba kita, nga ang bahong nabuhot sa lubot, nagtug-an kanimo kon unsay kulang o sobra gikan sa pagdiyeta mo?

Kon panagsa o kadiyot ra makahungaw ang baho, nagpasabot kini nga kulang ka sa ‘fibers’. Busa mokaon og igo nga prutas o mga green nga utanon ug uban pa. Apan ang sobra sa karne, haskang grabeha kusog mobuhot nga murag baho sa patay nga giagup-op.

Nagpasabot kini nga tandogon ang sistema sa pagtunaw sa kinaon, nga dugay makagawas aron ibuhot ang toksik nga gasses, nga magkadugay mograbe kini nga mas mosamot ang kaisog sa gas nga makahilo. Ilabi na mahilig kita sa barbekyu o sinugba nga karne, taas ang risgo nga magka- kanser sa ginhawaan.