Kanus-a kutob ang among pag-antos?

IYO ANTOY - Antolin dela Serna (Banat) - April 17, 2018 - 12:00am

Sukad sa among pagpuyo diri sa Guadalupe, gikan sa 1986 hangtud karon, kamo na la’y kwenta kon pila na ka tuig, wala’y agas ang among gripo sa buntag. Sa ato pa, magtukaw mi kada gabii kay maghuwat sa tubig nga moagas, ug maghuwat nga dili moawas ang tangke.

Hangtud nga nakapalit mi’g mga float para sa tulo namo ka tangke diin awtomatik na nga mohunong ang agas inigkapuno. So, arang-arang na lang ni nga kahimtang bisa’g walay agas sa buntag, kay at least dunay tubig.

Sa ato pa, medyo bearable ang pag-antos. Apan, lately, ug dugay-dugay na ni nga off-and-on pag-agas sa tubig. Diha’y mga adlaw nga nakasag-ob gyud mi. Maayo man gani nga duna mi paryente nga dunay deep well ug didto mi magsag-ob.

By the way, dia mi sa tunga-tunga sa mga subdivision sa Guadalajara ug Buena Hills diri sa Guadalupe. Wa mi masulod sa subdivision. Duna mi silingan nga may duha ka deep well, pila lang ka metro gikan sa among balay.

Ang duha ka deep well, gikontrata sa MCWD, apan duna diay sila’y quota nga dili na sila bayran kon manubra ang pagbuga sa tubig.

Sa ato pa, matud sa usa ka tag-iya sa deep well, duna siya’y daghang tubig, apan wala’y tubig ang kasilinganan. Matud niya, kon tugotan lang sa gobiyerno, maka-supply siya’g tubig ngadto sa kapin 30 ka households. Apil unta mi sa balay.

Unya, duna mi laing silingan nga duna unta’y deep well, apan, nahubsan man sa tubig, kay mabaw ra ang tinubdan. Nakahunahuna mi’g rehabilitate, o magkawot og laing atabay, apan ang gasto mokapin man sa P100,000. Goodbye sa maong mga plano.

In the meantime, padayon ang among pag-antos sa off-and-on nga serbisyo sa MCWD. Hinoon, matud sa uban nakong mga higala, arang-arang na lang kuno mi kay duna mi off-and-on nga tubig, kay sila kuno wala gayu’y tubig.

Dunay mga sugyot nga i-privatize ang MCWD. Maayo kaha ni?

* * *

Giingon dinhi nga mo-rollout na kuno ang National ID System sunod buwan. Sa ato pa, sugdan na? Unsaon man ni pagsugod? Wala pa ang detalye niini, on how to go about it. Basta kay i-biometric kitang tanan.

Hinumdoman nga na-aprobahan na kini sa Senado ug sa niagi pa nga Septiyembre napasar sa House of Representatives.

Ang National ID system gi-design paghatag og kasayon natong tanan, both sa public ug private sectors. Dili angay’ng kabalak-an ang gikahadlokan sa uban nga maka-transgress kuno kini sa atong privacy. I don’t think so.

NATIONAL ID SYSTEM
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with