^

Kabataan sa kagubot

LABTIK - Alan P. Domingo (Banat) - April 11, 2018 - 12:00am

Kon sa dakbayan sa Lapu-Lapu naghitak ang mga grupo sa fam, minugbo sa family or gang, ingon usab niini ang nahitabo sa dakbayan sa Mandaue.

Apan dako og kalainan kay ang fam sa Lapu-Lapu City palamiay man ang ilang trip, samtang sa Mandaue City pinatyanay man gyud.

Hinoon, parehong delikado ang sitwasyon sa mga batan-on tungod kay ‘killing me softly’ man usab ang mahitabo sa fam member nga masakit og sexually-transmitted infections.

Ang mga gang members sa Mandaue, ‘killing on the spot’ ang ilang gihimo kay magtagay man sila sa mga bala.

Usa ka 12 anyos nga babayeng miyembro sa gang, namatay sa Barangay Alang-Alang, dakbayan sa Mandaue atol sa engkwentro sa karibal nga gang.

Matud sa mga tawo sa maong dapit nga hilabihan ka bayolenti ang mga batan-on nga mogara panahon kagabhion. Kanunay kuno nga mag-ulan og bato ug mga botelya kay maglinabayay ang magkaribal nga grupo.

Ang labing grabe gyud mao ang pag-ulan og mga bala nga misangpot na sa pagkakalas sa kinabuhi sa usa kanila. Ang maong mga sakop sa gang nagsugod og kainitay sa social media nga misangpot sa paghinagitay, og nahitabo gyud ang engkwentro.

Grabe no? Ingon niini na kaagresibo ang mga batan-on karon nga dili man mahadlok ug andam mosawo, ug mokilaw sa mga bala sa armas nga gamiton pagpatay kanila.

Asa na man ang ilang mga ginikanan? Wala gyud sila makamatikud sa kalihokan sa ilang mga anak?

Basic kaayo ang pagsuta kon asa na ang ilang mga anak nga wala pa mahiuli sa ilang panimalay kon gabii na. Basin wala sila makahibalo tungod kay sila mismo wala sa ilang pinuy-anan?

Kumusta na man ang curfew ordinance? Kutob lang sa papel ug media milage? Ang kapolisan unsa’y gihimo? Basin og nagduka-duka lang sila ug sa ilang pagmata, nahitabo na ang krimen.

GANG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with