Ang makahimsog nga kinaiya (1)
HIMSOG NGA KARAYURAN - Pons M. Abatayo (Banat) - January 13, 2018 - 12:00am

Hangtud karon, ang kadaghanan giabot na sa kalibog, kon unsay mga lakang nga buhaton sa pagpahimsog sa kaugalingon. Tungod kay nahutdan na sa panahon, gumikan sa paggukod sa mga inadlaw nga kaakohan, hangtud nga nataligam-an ang lawas nga nagkinahanglan usab sa pag-atiman nga kanunay mohimsog.

Anha na makaamgo, nga mopalyar na ang kaugalingon, nga dili na katubag sa mga panginahanglan sa iyang paningkamot nga makab-ot ang misyon sa kinabuhi. Tungod niini, atong ipaambit kini nga mga giya, nga himoon natong kinaiya aron pagseguro nga kita mohimsog.

Gikutlo nato kini nga mga giya gikan sa ’50 healthy habits’, nga partikular gitumong alang sa mga babaye, apan nindot sab nga kini atong buhaton, kon buot kita nga makabaton og himsog nga kinaiya sa kaugalingon. Ania, atong han-ayon;

* Inigbangon sa buntag, sugdan nga presko ang matag adlaw nato sa kinabuhi. Nagpasabot kini sa kadasig ug malipayon, nga puno sa paglaum.

* Susihon sa kanunay ang atong mga ‘credit card’ nga dili mapun-an sa interes, ug nga mabayran sa tagal ang mga obligasyon, aron dili mabun-og sa kompromiso.

* Sagupon nga matag Lunes, magpuasa sa pagkaon og karne, aron pag-us-os sa risgo nga magkasakit, nga kon dili makontrol, maproblema gayud kita niini.

* Hiposa ang selpon, kon anaa kita taliwala sa mga tawo nga giila nga sila atong gihatagan og importansya. Epektibo’ng kinaiya kini sa pakiglambigit sa isigkatawo.

* Sulayan ang 2/30 nga tulomanon, 2 ka oras sa TV ug 30 mins nga ehersisyo nga pisikal, ilabi na sa paglakaw nga dili mag-jogging, basi’g kasingkasing maugtas. Sabton ang ehersisyo nga kini dili puwerhisyo o paglangan sa imong higayon.

* Pakisayod sa uban sa mga benepisyo, nga wala pa nimo mahimo.

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with