Gusto nga ipasunod ang apelyido sa amahan

Dear Atty. Divine,

Duna ko’y illegitimate son ug tua kini nagpuyo sa iyang inahan. Ang bata wa magdala sa akong apelyido.

Karong bag-o, nanawag nako ang inahan og gusto niya nga akong suportahan ang bata.

Andam ko nga mosuporta attorney, apan gusto nako nga ang akong apelyido mao g’yud ang gamiton sa akong anak.

Unsaon nako pagpa-change ang apelyido sa akong anak sa iyang birth certificate? Daghang salamat. — Mario

Dear Mario,

Mo-execute ka og Affidavit of Acknowledgment with Consent to use your surname.

Human niini, imong i-submit ang mao nga affidavit sa Civil Registrar’s Office sa dapit diin marehistro ang imong anak, ug imong sultian ang civil registrar nga ipagamit nimo ang imong apelyido sa imong anak ug aron ila kini nga ma-process.

Mas maayo sab nga moadto ka daan sa Local Civil Registrar ug mangayo ka nila sa list of requirements alang sa imong tinguha pagpausab sa apelyido sa bata sa iyang birth certificate. Thanks and God bless! -    Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.