Mao kini ang batasan sa mga tawo diin ang bendita ang isablig ni bisan kinsa uban ang pag-ampo. Dili sama sa uban nga apilan man nila og hugaw.
Matag Hunyo 24, ila gyud ning himoon kay pangilin man ni San Juan Magbubunyag, ilang patron.
Na-identify gyud si Juan Magbubunyag sa tubig kay siya namunyag sa suba sa Jordan labina kanila nga nangindahay og moral nga kausaban. Kausaban kini ang mensahe ni Juan nga haom sa iyang kapanahonan ug bisan asa naman tingali sa atong panahon.
Padayon natong pangitaon ang kausaban tungod kay kon dili kita mangita ug mangindahay niini unsaon na man lang ang atong katilingban ug labaw na ang atong kaugalingong pagkatawo?
Ang alagwahan nagpahinumdom nga matag karon ug unya kita maligo aron mamahimong limpiyo gikan sa bisan unsang hugaw nga maghatag og baho sa atong lawas nga himatyon.