Mga bitamina inig-edad 40+(1)

Adunay panultihon 'life begins at 40', nga gikonsiderar sa kinaiyahan nga unang hugna pa kini sa pagtungas sa kalampusan ug kapakyasan nga naabot ang tuktok sa mga pangandoy, inig-edad nato'g 40. Dinhi magsugod na sab ta sa ikaduhang hugna sa lumba sa kinabuhi.

Kun sa pagtungas grabe kitang naugtas, OK lang kay batan-on pa man nga kompleto pa'g sangkap ang kusog nga gipuhonan. Mas labing iandam ang lawas, sa padulhog nga kinabuhi, nagkinahangla'g dobleng kusog aron di madailos nga kasustenihan ang mga pagsulay taliwala sa atong panlimbasog. Kun mag-edad na'g 40kapin, seryosohon na pag-atiman ang panglawas, aron di mapalyar ang dagan sa kinabuhi. Niining mga edara, halos nakulangan na kita sa mga gikinahanglang bitamina. Sama niining mga mosunod;

* Magnesium — makatabang kini sa problema sa presyur sa dugo. Kun  magka-edad na, labi na's babaye taas ang risgo mahayblad. Mopatuhop kini sa 'calcium', ug mamintin nga lig-on ang kasingkasing, kaunoran ug kaugatan, hasta ang pagkontrol sa 'bloodsugar'. Makuha ni's pagkao'g 'greenveggies' (utan), beans, soy, mani, mga liso (grapeseed,almond) ug avocado. Sa suplemento ini, mokonsumo kada adlaw og 320mg., ilabi na sa babaye 40 anyos pataas.

*   Calcium — Mao ni ang mopalig-on sa kabukogan, angay sa wa pay 40, abunda na ang lawas niini. Makadaut sab kini kun pasubrahan. Mokunsumo la'g supplemento ini 1000mg/day(sa babaye 40+). Makuha sab kini sa pagkao’g itlog, sardinas, almonds, broccoli ug spinach.  Makuha sab sa pag-inom og gatas o yugort. (fresh cow's milk, soymilk ug coco milk ug mga low fat milk)