EDITORYAL - Mga palpak sa City Hall Miresulta
Joy Cantos (Banat) - June 5, 2016 - 12:00am

Miresulta na gyud ang pagpataka na lang og gasto ni Mayor Michael Rama sa kuwarta sa dakbayan sa Sugbo dihang siya pa ang mayor. Nagpusot-pusot karon ang mga “adverse findings” sa Commission on Audit (COA) sa mga transaksyon sa administrasyon ni Mayor Rama.

Namalit og daghang sakyanan si Mayor Rama nga kantidad og P15 milyones nga ang pundo gikuha gikan sa Peace and Order funds, apan ang ubang mahalong sakyanan wala giisyu sa mga polis ug didto kini gihatag sa mga pinangga niyang department heads.

Unya nagpapalit usab si Mayor Rama og sakyanan nga kantidad og P2.2 milyones isip iyang service vehicle, apan ang kuwarta didto gikuha sa disaster fund.

Karon, midemanda na ang Toyota Motors nga bayaran na sila sa P15 milyones kay gihatod diay ang mga sakyanan sa City Hall bisan wala pa sila bayari sa kantidad. Duha na lang sa 10 ka Toyota Fortuner ang wala pa ma-deliver.

Unya, ang laing naukayan sa COA mao ang paggasto ni Mayor Rama sa P28 milyones ug gipanghatag nga honorarium sa mga opisyal sa barangay nga gikan sa Monthly Operating and Other Expenses (MOOE) bisan og dili gyud tukma.

Gipasabot sa COA nga ang MOOE gamiton ra gyud kini sa mga gastohanan sa opisina ug dili alang sa sweldo, honorarium ug allowances. Resulta, gimando sa COA nga ang maong mga nakadawat sa kuwestyonable nga honorarium mouli niini ngadto sa City Hall.

Daghan pa kaayong adverse opinion sa COA nga wala pa lang ikabutyag ngadto sa publiko. Gipaabot nga ang Annual Audit Report (AAR) sa dakbayan sa Sugbo sa tuig 2015 magkabulingit sa mga kuwestyonable nga transaksyon.

Ang peligro kun tinud-on ni incoming Cebu City Mayor Tomas Osmeña ang iyang bahad nga ipabilanggo gyud niya si Rama tungod sa daghang mga palpak.

 

NEW PEOPLE’S ARMY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with