Nagbagang Kasayoran

Hatdan mo namo og tubig gihapon kita nga nakasinati og grabe nga kainit karong panahona ug gani nagkagrabe pa man ang kainit matag adlaw nga makapaso na sa atong panit.

Grabe na kaayo ang epekto sa huwaw ngadto sa atong mga igsoon nga mag-uuma diha sa mga mountain barangays.

Tungod kay dili man imposible nga mosiaw usab ang mga sunog tungod sa grabeng kainit, ang inyong kabomberohan nangita gyud og paagi nga malikayan nato ang sunog.

Alang sa kasayuran sa publiko adunay gihimo ang atong kabomberohan aron maalagaran ang publiko, ilabi na sa mga lugar nga grabeng naapektohan sa kakuwang sa tubig.

Mitabang ang mga trak sa bombero paghatod og tubig sa mao nga mga lugar gamit ang mga firetrucks isip serbisyo publiko sa mga sakop sa Bureau of Fire Protection.

Kadtong gusto nga among maalagaran, paghimo lang kamo og sulat ug ipadala kini sa opisina sa mga fire marshalls sa mga lungsod ug dakbayan diha sa inyong lugar.

Ayaw kamo pagduha-duha sa pagpahibawo kanamo aron makahatag dayon kami og serbisyo kaninyo. Dako kaayo ang kadaot nga namugna sa grabeng huwaw mao nga magpakabana gayud ang inyong kabomberohan.

Dili lang sa pagkumbati sa sunog ang among pagpanerbisyo, apan lakip usab ang paghatod ug paghatag sa gikinahanglan kaayo ninyong tubig.

Sa kataposan giawhag namo ang publiko nga pabiling alerto ug mag- amping aron makalikay kita sa sunog karong panahona. Kinahanglan namo ang inyong aktibo nga pagpakabana ug padayong magmatngon.