EDITORYAL - ISIS magnet sa kagubot
Edwin Ian Melecio (Banat) - November 27, 2015 - 9:00am

Adunay nikatap nga mga kabalaka diha sa social media kabahin sa posibleng pagulbo sa World War III ug dunay uban nga mikonektar pa gani niini sa nahasulat sa Bibliya. Matawag nga layo pa kaayo kining mahitabo apan dili imposible. Dili malikayan ang susama niini nga kahadlok tungod kay nagka-komplikado na karon ang kagubot nga gipasiugdahan niining Islamic State of Iraq and Syria (ISIS).

Ang mga nasud nga misalmot sa pakig-giyera kanila aron sila pulboson, adunay kaugalingong mga interes  ug adunay mga insidente nga diin magkurus ang mga dalan sa ilang mga pwersa.

Niadtong Martes sa buntag, usa ka SU-24 bomber sa Russian Air Force ang gitirahan sa Turkish Air Force F-16 fighter jets kay nisud sa ilang teritoryo  samtang naghimo og airstrikes sa mga Islamic extremists.

Ang Turkey mao lamang ang nag-inusarang Muslim nga nasud nga miyembro sa North Atlantic Treaty Organization (NATO) nga higpit nga karibal sa Russia, political man o militar.

Matud pa sa mga eksperto, daw gitestingan sa Russia ang kalig-on sa alyansa sa NATO sama sa gibuhat niini sa Baltic Region butang nga gikaalarma sa NATO.

Ang Turkey gipasanginlan sa Russia nga dapig sa ISIS, samtang ang Syria nga gilabanan sa Russia nakiggubat sa daghang grupo gikan sa ISIS, Free Syrian Army, Syrian-Turks  ug uban pang kaaway  sa ilang gobiyerno. Gawas lang sa ISIS, ang mga kaaway sa Syria  suportado sa NATO aron palagputon si Syrian President Basher al-Assad. Apan airstrikes sa Russia nipokus sa mga kaaway ni al-Assad ug dili sa ISIS.

Laing komplikasyon mao ang sa Kurdistan sa utlanan sa Syria ug Iraq. Ang mga kaalyado sa NATO nga mga Peshmerga (Kurds) nakiggubat sa Al-Qaedah ug sa ISIS apan kaaway kini sa Turkey.

Kining maong kagubot nga gisugdan sa ISIS daw magnet nga nibira sa mga gamhanang mga nasud aron magkarambola. Angay nga mag-ampo ang tanan nga magpabiling bugnaw ang mga huna-huna sa mga lider sa mga nalambigit nga mga nasud.

 

ANG ANG TURKEY ASSAD BALTIC REGION FREE SYRIAN ARMY ISIS ISLAMIC STATE OF IRAQ AND SYRIA MGA NGA NIADTONG MARTES NORTH ATLANTIC TREATY ORGANIZATION
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with