Pagpalambo sa turismo
IYO ANTOY - Antolin dela Cerna (Banat) - October 19, 2015 - 10:00am

Usa sa gihatagan sa dako’ng pagtagad karon sa atong kagamhanan mao ang pagpalambo sa turismo. Samtang nagkadaghan ang mga langyaw’ng turista nga regular na nga magduawan sa atong nasud, daku pa kini og kulang itandi sa gidaghanon sa mga turista nga miduaw sa silingan nato nga mga nasud sa Asia. Sa laktud, lupig ta.

Mao nga gipanghingusgan kini karon sa atong nasud … ang pagpalambo sa tourism industry, nga makaamgid-amgid kita sa ubang kanasuran nga nakahatag og dako’ng kalamboan sa ilang ekonomiya.

Karong bag-o, ang National Economic Development Authority (NEDA) miaprobar og tulo ka dagko’ng proyekto pinaagi sa PPP kon public-private partnership nga mokabat og P25 bilyones.

Ang mga proyekto naglakip sa 23 kilometros nga Plaridel Bypass Toll Road, Batangas Manila 1 Natural Gas Pipeline, ug ang Philippine Travel Center Complex (PTCC), proyekto sa Department of Tourism nga mokantidad og P1.747-billion.

Ang maong proyekto maglakip na sa financing, design, construction ug maintenance sa mixed-use, multi-model complex nga adto na ipahimutang ang tanang tourism-related nga mga ahensiya ug mga buhatan sa gobiyerno.

Sa ato pa, one-stop-shop alang sa tanang mga transaksyon ug kalihokan nga may kalabutan sa turismo.

Giingon dinhi: “The PTCC is expected to improve the delivery of government services and further facilitate ease of doing business” nga may kalabutan sa turismo.

Ang industriya sa turismo usa sa labing dako nga tinubdan sa panalapi sa ubang kanasuran. Ngano nga dili man kini mahimo dinhi sa atong nasud?

* * *

Ang atong mga bangko dinhi sa nasud, giisip nga usa sa labing lig-on, most stable dinhi sa Asia-Pacific Region. Sa mga pagtuki sa Asian Banker sa 500 ka bangko dinhi sa Asia Pacific region, ang Pilipinas nahimutang sa ika-siyam nga labing lig-on … 9th strongest.

Imagine, sa 500 ka dagko’ng bangko sa Asia Pacific, ikasiyam ang mga bangko sa atong nasud. Atong masabot nga lig-on usab ang atong ekonomiya.

Naghisgot man ta og mga bangko, ang Kongreso giingon nga posible’ng mouyon nga ilibkas ang bank secrecy sa mga bank deposits, labi na sa gidudahang mga tax evaders, sumala sa sugyot ni BIR Commissioner Kim Henares.

Ug kini, sukli sa mga sugyot nga us-osan ang individual ug corporate tax rates.

Sa ato pa, kun mahimo na kini nga mga balaod, pakubsan ang atong mga bayranan sa buhis ug mahimo na nga ibutyag ang mga deposito sa bangko sa gidudahang mga tax evaders. Nindot no?

ACIRC ANG ASIA PACIFIC ASIA-PACIFIC REGION ASIAN BANKER ATONG BATANGAS MANILA COMMISSIONER KIM HENARES DEPARTMENT OF TOURISM MGA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with