"Mamalihog unta mi sir nga mabadlong ang estambay diri sa may PNB Bank kay luoy kaayo ming mga tricycle kay kunohay dispatcher pero igo lang mangayo namo’g tag 5pesos kada biyahi. Makasamot man hinoon ni sa among kalisod kay gagmay pami’g kita pangayuan pa aning mga estambay."
Brgy Valencia, Alegria, Cebu
"Naunsa na man ning among karsada diri nga pwerte na man gyong gubaa mura na man og sapa labi na ning padung sa Sangi kuyaw kaayo sa mga sakyanan. Dugay na man mi gaantos ani nga problema pero wala pa man tagda."
Brgy Pagsabungan, Mandaue City
"Hangyo lang unta mi sir nga unta tiwason sa MCWD ang ilang gipadak-an nga lungag sa culvert kay duha na ka semana nga gisigihan nala’g labay sa basura kuyaw mabara ang drainage kun dili ni nila ibalik pagsira."
Brgy Vito, Balamban, Cebu
"Magpatabang unta mi sa amo karsada paingon sa Lingatong Gamay sir kay ngitngit kaayo wala may suga nga makahayag sa agianan. Dugay naming gaantos aning problemaha kay kuyaw basin naay magbinuang labi na kun babaye ang maglakaw."
Brgy Tapilon, Daan Bantayan, Cebu
"Sir ang among problema diri kay kini intawun among clinic diri kay panahon sa tingbakuna sa mga bata sige ra man sila’g ingon nga hurot na ang vaccine. Luoy kaayo ang ubang bata kay mag-usa ka tuig na lang wala pa katilaw og bakuna."
Brgy Tabunok, Talisay City
"Grabi gyod kaayo ang trapik diri ilawum sa flyover sir kada buntag gyod ni mahitabo tungod sa kadaghang mga pasahero unya naa pay mga kawatan diri mosiaw sad dayun moapil sa tinukmoray nga mga pasahero daghan na kaayong nabiktima sa kawat diri."
Brgy Maya, Daan Bantayan, Cebu
"Mangayo unta mi’g tabang sa mga ahensya sa gobiyerno labi na sa among mayor nga unta mahatagan ni’g pagtagad ang problema sa karsada padulong sa menteryo ug Sitio Tagasa kay daghan kaayo’g libaong kuyaw na kaayo agian labi na sa mga motorsiklo."
Brgy Talamban, Cebu City
"Hangyo unta mi sir nga kanang eskina Sunny hills padung Tac-an road naa untay traffic enforcer o tanod nga magbantay diha kanunay kay mga habalhabal driver diha hawud kaayo dili man magpadaplin nga maoy hinungdan sa grabing trapik diha."
Brgy Langtad, City of Naga
"Mamalihog unta mi sir pagpahibawo sa DEPED kay ang graduation diri sa Langtad Elementary School unya pa man sa Abril 6 ingon ang principal nga unta karung semanaha man gyod ang gitugot nga graduation sa tanang mga public schools. Daghan kaayong mga parents nga nangreklamo ani sir."
Alang sa inyong mga reklamo text lang sa 09062973166