Zero casualty maoy tema sa kampanya nga gisagop sa matag lokal nga kagamhanan samtang nagpaabot pa sa bagyo’ng Ruby.
Giubanan sa mga lihok sa tagsa-tagsa ka risk reduction group nga mipugos sa pagpabalhin sa mga lumolupyo sa risgo’ng lugar ngadto sa mga evacuation center. Kun dili kapugngan ug may casualty kinahanglang dili daghan.
Mao kini ang angay nga ipatuman ug tumanon sa tanan sa higayon nga may mga katalagman nga umaabot sama sa bagyo.
Bisan kun linog, sunog, baha, ug uban pa’ng katalagman nga dili matag-an nga muabot, angay usab unta nga pangandaman sa mga molupyo.
Apan problema usab sa gobiyerno ang mga evacuation center kay dili man mahimo nga magyaka nalang ang tawo sa evacuation area bisan hapsay ug wala’y hulga sa katalagman.
Tungod kay dili man matag-an kanus-a muabot ang linog, sunog, ug kamatayon, mas maayo nga sa tanang higayon pangandaman kini sa tawo.
Kay kun dili kini pangandaman, ang kaugtas dili kalikayan nga mao hinuon ang mahimo’ng hinungdan sa hinanaling kamatayon.
Apan kasagaran sa tawo, kun wala mangandam sa linog, ug sunog, labaw sa tanan sila wala mangandam sa iyang kamatayon.
Kasagaran sa tawo unya na mulihok inig-abot na sa linog o kaha sa sunog sa iyang pagtuo nga may kinabuhi pa siya niana’ng higayona.
Unsaon nalang kun sa pag-abot sa linog ug sunog nga wala nimo pangandami, mao usay pagkamatay nimo, unsa may mahitabo inig bangon nimo?
* * *