Brgy Basak-San Nicolas, Cebu City

“Ipahunong na intawon ning hantak diri sa among lugar kay nagkagrabe na man unya dugangan pa aning problema sa shabu nga wa gyu’y hunonghunong misamot gyud labi na ning dapit Cabreros ug sa padung Tagonol.”

Brgy Pagsabungan, Mandaue City

“Wala man gihapon aksyoni ning mga traysikol nga maoy nagdala’g peligro sa mga mangagiay diri dapit sa ibabaw eskina unya hasol pa gyud kaayo ang karsada kay daghan kaayo’g lubaklubak unya kun mag-uwan hitak kaayo daghan manglakaw nga nakaligo sa pisik kun maagian og sakyanan.”

Brgy Mactan, Lapu-Lapu City

“Palihog intawon mi’g pabadlong ani sir Jun aning manindahay og manok diri kay nag-antos mi aning ilang basura nga pwerteng daghanag langaw unya baho pa gyud kaayo kay naa man gud ibutang sa daghang mga balay dapit diri sitio Ebapu luoy kaayo ang mga bata.”

Brgy Jagobiao, Mandaue City

“Magpatabang unta mi Sir kay ang basura diri sa prime DECA Homes dugay na kaayong kuhaon labi na ning diri dapit sa basketball court, ang taga barangay dili na man mokuha ug ang taga homeowners nga unta nagbayad man mi’g monthly dues ani nila.”

Brgy Poblacion, Talibon, Bohol

“Magpatabang unta ko Sir aning tubig sa Talibon kay naay panahon puwerteng luboga labi na sa buntag kay among nilabhan imbes moputi ma-yellow na man hinuon, wala man gyu’y aksyon among mga opisyales sa barangay.”

Brgy Gun-Ob, Lapu-Lapu City

“Palihog intawon mi’g pukaw aning among mga opisyales sa barangay sir Jun nga himuan og aksyon ning nagkagrabing problema sa ilegal nga drugas sa sitio Tugas sagol ning marijuana ug shabu diri nakaila ra ang ubang tanod aning namaligya diri.”

Brgy Basak, Mandaue City

“Wala gyud ni maaksyoni ang namaligya’g shabu diri sa sitio Relis bisa’g mga polis wala gyud kapakgang aning problemaha naa man unta mi makit-ang polis nga magtambayan dihang dapita pero ambot unsay rason nga wa siya kabantay nga naay naghitak nga ilegal drugas diha.”

Brgy San Miguel, Cordova, Cebu

“Nganong wala man ni taktaka ang usa ka tanod diri sa akong barangay nga klaro man kaayo ning namaligya’g shabu kuyawan ko nga daghang batan-on unya ang mabiktima ani kay wala may kahadlok nga mobaligya kay naa man sa poder.”

Brgy Luz, Cebu City

“Gipanindot na unta ang karsada sa siyudad pero mao gihapon ang problema kay gihimo mang parkingan ang kilid naa pay mga tindahan butangan pa’g lingkuranan ang kilid sa karsada labi na ning sa Cabangan street maglisod na hinuon ang tawo sa pag-agi kuyaw na maligsan.”

Brgy Luhod, Barili, Cebu

“Sa sitio Pomelo kuyaw na kaayo sir Jun kay wala nay taytayan gianod na sa baha delikado kaayo sa mangagi labi na sa mga estudyante maayo unta’g matagad dayun ni sa mga opisyales sa barangay ug sa lungsod.”

Brgy Inoburan, City Of Naga

“Palihog lang ko’g tawag sa atensyon sa mga polis diri sa amo siyudad kay grabe na man gyud kaayo ang shabu diri ug sa brgy Langtad, ilado man ning mga tawo nga nalambigit aning pagpamaligya pero nganong wala dakopa tingali’g naay payola sir Jun.”

Brgy Napo, Carcar City

“Grabe na kaayo ang shabu sa among lugar naghitak na duol pa gyud sa eskwelahan ang mga namaligya dugay na kaayo ning problemaha pero wala pay aksyon nga gihimo ang kapolisan.”  Alang sa inyong mga reklamo text lang sa 09071678643