Nasunog ang orihinal nga titulo
LEGAL CORNER - Atty. Divine Flores (Banat) - October 22, 2014 - 12:00am

Dear Atty. Divine,

Dunay kabilin nga yuta ang among ginikanan sa Aloguinsan nga nakapangan sa among tatay ug nanay apan patay na sila’ng duha. Ang taga DAR mismo ang nagpahibawo namo niini. Gusto unta namo nga ibalhin sa among pangalan kay pito man mi ka magsuon apan wa man namo ang original nga title kay naapil man kini sa pagkasunog sa among balay kaniadto. Ang naa namo nga kopya photo copy lang sa titulo. Ang akong pangutana kun mahimo ba kini’ng maong property nga ibalhin sa akong pangalan kay ako man ang kamaguwangan? Mahimo ba ‘sab ni namo nga ibaligya bisan kun wa namo ang original nga title? Hinaut imo mi’ng matambagan sa angay namo nga buhaton. - Maria Elsa

Dear Maria Elsa,

Kun mosugot ang imong mga igsuon nga ibalhin ang maong property sa imo lang nga pangalan, mahimo man apan kinahanglan nga mo-execute sila og waiver of rights in your favor aron magpahimo kamo sa abogado og Extra Judicial Partition with waiver of rights ug kamo’ng tanang magsuon mopirma niini, then inyo’ng isumiter sa BIR aron sa pagbayad og Estate Tax ug Donor's Tax. Kun molusot na ang Certificate Authorizing Registration o CAR mabalhin na ang Tax Declaration niini’ng maong properties ngadto sa imong pangalan apan dili mo maka-process alang pagpa-issue og bag-ong title ubos sa imong pangan kay kinahanglan man ang original title niini nga proseso. Mahimo ninyo’ng ibaligya ang property ug inyo lang sultian ang buyer nga nasunog ang original title sa yuta nga inyong ibaligya ug inyo’ng hangyuon nga sila na lang ang mo-process alang sa pagpa-issue og new title pinaagi sa pag-file og Petition sa korte for the issuance of new title. Hinaut nga akong natubag ang inyong pangutana. - Atty. Divine

CERTIFICATE AUTHORIZING REGISTRATION DEAR ATTY DEAR MARIA ELSA ESTATE TAX EXTRA JUDICIAL PARTITION HINAUT KUN
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with