Kun dili kita makat-on sa pag-ila sa kinabuhi nga mabulokon ang atong pagbatyag sa tinuoray nga pagbati, mahimong pakyas kita pagtugkad sa tiunay nga kalipay. Adunay sitwasyon nga bation kita og di masabot nga mopatay-og sa atong galamhan. Nga usahay hagiton kita nga ipahimo gyud apan matud pa nagdaku lang ang atong hunahuna. Kay lawas nagluya nga dili katuyhakaw.
Unya aron pagtabon sa tinuoray nga hinungdan, igo lang sa pangagho nga kuno siya gikapoy, wala sa kondisyon nga makighamag sa gihidlaw nga paris. Pero ang tinuod, wala siyay kaisog kay kulang sa kahibalo nga modangilag sa kainit sa seks. Nagkinahanglan kini og mga pagkaon nga makapainit sa atong panglawas, aron kini mopabuhi sa patay nga pagbati, nga ikalahugay sa kama.
Mahinungdanon nga masayud kita kun unsay pagkaon nga makapainit. Tingali nasayud ta nga ang sisi (oyster) grabe kini nga makahatag kusog sa pagpagana sa seksuwal nga aksyon.
Apan kun kulang sa kainit, dali ra sab mapawong ang kahinam nga mabatyag ang kalalim. Busa sulaye ning mosunod kun hain ang mas mosaler sa imong kaugalingong diskarte sa seks.
Peppers (sili) – ang kahalang niini mao kana ang natural nga ginganlag ‘capsaicin’, mopaumento sa maayong sirkulasyon sa lawas ug sa atong dugo. Ang ‘endorphins’ ini maghatag sab og grabe ka kondisyon sa lawas ug pagbati.
Green Tea (tsa) –Naila na ni sa daghang benepisyo sa kahimsog gikan sa pagpakunhod sa timbang ngadto sa pagsumpo sa kanser. May kaayohan sad ni nga mahatag sa seks. Ang ‘catechins’ nga antioxidant ini, mopahimsog sa agianan sa dugo ug sa sirkulasyon. Mas dagha’g catechins ni kay sa itom nga tsa.