^

Banat Kalingawan

Paniid, ayaw pangutan-a

Tito Miguel - Banat

Dear Tito Miguel,

Maayong adlaw diha kanimo, ako diay si Jerick, usa ka maya ug nagpuyo sa  Barangay Tisa, Cebu City. Naa koy boyfriend nga ginganlan og  Francis . Kanunay ko niya nga gipahimangnoan nga likayan gyud nako ang pag- flex kaniya sa social media.  Normal ra ba na Tito Miguel? O basin dunay siyay gitagoan? Please tambagi ko. — Jerick

Jerick,

Ang aktibo ug hilom sa social media pareha ra nga normal, lain-lain lang sila. Lagmit imong uyab pribado, dili ganaha’g atensyon. Para niya, dili kinahanglan makahibawo ang tanan unsa iyang lovelife. Angay ni nimo respetohon. Apan nahadlok ka basin duna siya’y tinagoan, basin duna siya’y lain nga malain.

Gipaila-ila na ka sa iyang pamilya o wala pa? Kay kun wala pa, basin mao nay hinungdan, wala pa sila kahibawo unsa siya. Basin sensitibo ni nga isyu, basin dili siya dawaton. Kun kahibawo na iyang pamilya unsa siya, labi na parte ninyo duha, basin gisugtan siya sa kundisyon nga ihilom lang.

Gipaila-ila na ka sa iyang mga barkada o kaila? O gilimod ka niya, gipailaila nga higala ra. Kun mao, posible dili pa siya out kanila. Pangutan-a ngano itago ka niya. Basin dili pa siya andam nga makahibawo ang tanan.

Posible sab tinuod imong gikahadlokan, duna siya’y lain, hadlok masakpan. Ayaw pangutan-a, kay molimod gyud na. Pasagdi, tagamtama ang unsay naa ninyo duha, apan paniid, ang kamatuoran motumaw ra’g iyaha maski wala nimo pangitaa. Diha ra ka mokompronta kun duna nay ebidensiya. Ang duda dili ebidensya, busa ayaw ipahibawo kaniya. Magmatngon na hinuon, samot motago.Pero kay niingon man ka gibadlong ka, buot pasabot naka-post na ka. Wa man kaha magkisi-kisi nga ipa-delete, nibadlong ra man kaha nga ayaw usba. Buot pasabot wala siya mahadlok, di lang siya kumportable mapatik. Malipayon man kaha mo, dili na kinahanglan isabwag pa nimo.   —Tito Miguel

Magpatambag ka? Ipada kang Tito Miguel: 0998-581-5856

DEAR TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with