Pagka kaadlawon nagpadulong si Ekong sa dagat aron manginhas og mga kinhason. Nisayo’g gikan ang ulitawo kay moadto sa unahan diin didto ang dasok nga tiniman-an nga mga kinhason.
Apan sa dihang hapit na moabot si Ekong may nakita siyang lungon nga nibabag sa agianan. Nakuyawan ang ulitawo dalang pangurog sa kaunoran. Pipila ka segundos ang nilabay nilihok ang lungon ug nibangon ang naa sa sulod. Napugwat siya kay usa ka tigulang lalake nga nakig-estorya kaniya.
“Dong, kawta ang akong bukog duol sa baybayon sa nagbinugtong nga langob,” matud sa patay. “Kung imo nang makuha ilubong kini sa sam-ang aron ang akong kalag magmalinawon.”
“Ayaw kabalaka, Manoy, tabangan ko ikaw sa imong problema!” ni Ekong nga naluoy sa kalag.
Wala maglangan giadto dayon ang gisulti sa kalag. Ug iyang gisuhid ang nagbinugtong langob. Apan sa kalit lang naigpot si Ekong, kay adunay higanteng mantaga nga niguho gikan sa langob. Unya didto padulong sa usa ka langob nga gidungog nga hilan.
Wala maglangay si Ekong daling gipangita ang bukog nga giingon sa kalag. Apan sa kalit lang ingon sa adunay nigunit sa mga tiil sa ulitawo hangtud nga na diskubrehan niya ang nagpasad nga bukog. Nisantop sa hunahuna ni Ekong nga mao kining bukog nga giingon sa kalag nga nagpatabang kaniya nga ipalubong sa sam-ang. Dali niyang gitapok ang mga bukog aron ilubong sa sam-ang nga gitugon sa kalag.
Pagka gabii niadto dayon ang ulitawo sa menteryo aron ilubong ang mga bukog. Pilay estorya nalubong na ang mga bukog. Apan sa kalit lang may nikuhit sa luyo ni Ekong.
“Dong, salamat sa pagtabang nako. Nia dawata kining binaritang bulawan. Makwartahan naka niana. Sa imong pagpakabana sa akong problema wala ka masayop, kay mao kana ang akong ganti kanimo,” sa kalag pa.
“Salamat sab sa gihatag mong binaritang mga bulawan kay makatabang sa akong kalisod!” ni Ekong.
Unya nananghid ang ulitawo sa kalag nga mopauli sa ilaha dala ang binaritang mga bulawan. Bugti sa kaayo ni Ekong nahimo siyang milyonaryo pinaagi sa ganti sa kalag. (Katapusan)