_banat
^

Night market

WILD ORCHIDS - Cindy Jones (Banat) - October 29, 2015 - 10:00am

Gula  14

Ang nahitabo kanila ni Alma ug Cesar didto sa motel, nasundan pa og laing mga higayon. Malipayon ang duha sa ilang relasyon. Wala mahayi ni Alma nga nakigrelasyon siya ni Cesar bisan og usa kini ka Kristiyanos samtang siya usa ka Muslim.

Apan wala g’yud mosipyat ang gikabalak-an ni Alma. May nakakita kanila samtang nagkuyog sila pagpangaon sa usa ka kan-anan sa downtown area kay may grupo sa mga Muslim nga kaila ni Alma.

Usa ka adlaw, mi-text si Alma kang Cesar ug mihangyo nga magkita sila pagka gabii. Nasabot ni Cesar nga kuwang sa kadasig ang tuno sa sinultihan ni Alma.

Tuod, wala sipyata ni Cesar ang gikasabotan nila ni Alma nga magkita sa SM northwing entrance alas siete sa gabii. Nahibulong si Cesar kay nagdala man og dako’ng bag si Alma.

“Nahibaw-an na sa akong mga ginikanan nga nakigrelasyon ko og Kristiyanos ug nabalaka ko kay adunay akong mga kadugo nga mibahad nga may himoon sila kun dili ako makigbuwag kanimo Sar,” matud ni Alma.

Nakapangagho si Cesar sa iyang nadungog.

“Mao na kini ang giingon nako kanimo nga mag-atubang kita og problema sa atong relasyon. Ikaw maoy akong pagbut-on. Nakaila na sila nimo ug basin mameligro ka unya,” ni Alma pa.

Naglibog si Cesar kun unsa ang iyang buhaton. Gidala niya si Alma sa iyang gipuy-an. Gisabotan nila nga ugma dayon, ihatod ni Cesar si Alma didto sa ilang dapit sa Leyte.

“Dili lang ko motrabaho ugma Alma, aron ikahatod ko ikaw sa Leyte. Mobalik ko dinhi aron nga mo-resign sa akong trabaho,” giingnan ni Cesar si Alma. (Sumpayan)

ACIRC ALMA ANG APAN CESAR DILI GIDALA GISABOTAN KRISTIYANOS LEYTE NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with