Dear Tita Salie,
Just call me Felicidad, taga Balilihan, Bohol. Dali kaayo ko mabalaka ug dali ‘sab maguol. Belib ko sa akong mga higala kay bisan daghan pud sila’g problema, makamao man gihapon mokatawa. Pero ako bisan unsaon nako nga dili mabalaka tungod sa kalisud, di g’yud nako mahimo nga maglipaylipay. Ang pagkamabalak-on ug pagkamagul-anon ba matawag nga sakit? Palihug pasabta ko.
* * *
Good day Felicidad,
Ang tinuod, kitang tanan maguol ug mabalaka usahay. Apan ayaw dayon pag-ingon nga sakit kini. Abi nimo bisan sa karaang panahon ang mga tawo lalaki man o mga babaye mibati usab og sama niini. Dunay mga paagi nga makatabang nimo. Pakigsulti sa imong suod gayud nga higala. Isulat ang mga butang nga naapektohan ka sa mga problema ug kaguol aron imong mapangitaan og paagi. Unya ayaw kalimot sa pag-ampo sa Diyos kay ang Bibliya nag-ingon sa Filipos 4:6,7 “Ayaw kabalaka sa bisan unsa nga butang pinaagi sa pag-ampo ug pangamuyo uban ang pagpasalamat. Ipahibalo sa Diyos ang imong mga pangaliya kay ang kalinaw sa Diyos nga labaw sa tanang panghunahuna magabantay sa imong kasingkasing.” - Tita Salie