Halandumon nga Sugat
Cindy Jones (Banat) - March 28, 2015 - 12:00am

Nagkuyog ang mag-agaw nga si Gerald ug Ruben sa pagsaksi sa nabantog na nga maanindot kaayo’ng sugat sa pagkabanhaw sa lungsod sa Minglanilla.

Dugay na siya nga nakadungog nga nindot kaayo tan-awon ang sugat sa pagkabanhaw niini’ng mao nga lungsod sa habagatang Sugbo kay mga bata ibitay aron susama gayud sa tinuod nga mga anghel.

Karon lang g’yud makasaksi si Gerald niini’ng mao nga talan-awon.

Gikan sa probinsya si Gerald ug mibisita lang siya sa iyang tiyo ug tiya ingon man sa iyang mga ig-agaw atol sa Semana Santa.

Naghinam-hinam si Gerald nga sa katapusan makasaksi na gayud siya sa giingon nga nindot kaayo’ng pasundayag nga nadunggan ra niya sa radyo kun maghimo og coverage ang mga reporters.

Naghuot ang mga tawo nga nagpaabot nga kasugdan na ang pasundayag. Bisan og kaadlawon, apan gibati nila ang kainit sa kalawasan tungod sa panaghuot sa mga tawo nga iya-iya lang og paninguha nga makaplastar sila og maayo nga puwesto. Suwerte sila si Gerald ug Ruben kay nakatungtong sila daan niadto’ng sementado nga lingkoranan. Milanog ang tingog sa loud speaker ug nadungog nila ang pahimangno nga likayan lang ang pagdinuotay aron malikayan ang disgrasya kay magsugod na ang pasundayag.

Bantang kaayo sa nahimutangan sa mag-agaw ang dapit nga adto magsugat ang imahen nila ni Hesukristo ug Birhen Maria. Taud-taud, migimok ang mga tawo kay gisugdan na ang kalihukan.

Nakasigpat si Gerald nga may batan-ong babaye nga diha sa iyang tungod nga bisan og mikinto na apan naglisod gihapon aron siya makakita sa pasundayag.

Nakahuna-huna si Gerald nga ang babaye maoy iyang papulihon sa iyang puwesto nga gitindogan.(Sumpayan)

BANTANG BIRHEN MARIA BISAN DUGAY GERALD RUBEN SEMANA SANTA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with