Teksto: Apan nagmalinawon ug nagmahilom ako sama sa usa ka batang masuso nga anaa sa mga bukton sa iyang inahan ang akong kasingkasing nagmalinawon. (Sal. 131; 2)
PAMALANDONG
Kon unsa man gani ang anaa sa imong kasingkasing nga makapalayo kanimo sa tinud-anay nga kalinaw tangtanga kini kay ang paghimo sa ingon maoy sekreto aron mabatonan mo ang kalinaw. (San Francisco de Sales)
PAG-AMPO
Hatagi ko og tinuod nga kalinaw O Dios sa kalinaw. Himoang mapanton ko ang akong kaugalingong mga tinguha. Ikaw ug ikaw lang gyud unta ang akong tinguhaon sa kanunay. Amen.
LIHOK
Paghimo og imbentaryo sa imong kaugalingong kinabuhi sa tuig 2017. Ilista ang mga dautang pagbati ug pinaagi sa ritwal sunoga kini timaan sa imong dakong tinguha nga magpuyo sa kinabuhing malinawon ug malipayon.