Hornets forward Bridges gisikop kay nangulata'g asawa

CEBU, Philippines — Ang forward sa Charlotte Hornets nga si Miles Bridges gisikop sa mga kapulisan tungod sa felony charges apan nakagawas ra dayon kini human makapiyansa samtang ang iyang asawa mi-post og mga hulagway sa social media nga dunay mga angol sa iyang nawong ug lawas.

Gitaho sa celebrity website nga TMZ nga si Bridges gidakop didto sa Los Angeles human gitugyan niini ang yang kaugalingon ngadto sa mga orotidad niadtong Huybes.

Ang 24-anyos nga si Bridges maoy nangu sa Hornets sa miaging season uban ang career-high average nga 20.2 puntos, 7.0 rebounds ug 3.8 assists matag duwa.

"The Charlotte Hornets are aware of the situation involing Miles Bridges," sigun pa sa Hornets sa usa ka opisyal nga pamahayag. "We are in the process of gathering additional information. We will have no further comment at this time."

Ang kapikas ni Bridges nga si Mychelle Johnson mihulagway sa mga angol sa iyang liog, dungga, pulso ug ilong sa iyang Instagram.

"I hate that it has come to this but I can't be silent anymore," suwat pa ni Mychelle.

Ang NBA free agency nagsugod na niadtong Biyernes ug si Bridges puydeng motan-aw sa tanyag sa ubang teams. Apan ang Hornets andam nga buhaton ang tanan aron si Bridges magpabilin sa ilang koponan.