CVFA nanghawod sa Visayas leg

CEBU, Philippines — Ang Central Visayas Football Association (CVFA) booters mipauwan og mga goals sa first half aron ilampaso ang bisitang Kaya FC-Iloilo, 3-1, ug sakmiton ang titulo sa Visayas leg sa 2022 Philippine Football Federation (PFF) Under 19 Boys National Championships niadtong Miyerkules didto sa Cebu City Sports Center.

Si Keenan Julian Cergneux maoy midagkot sa nagkayong ratsada  sa CVFA human siya mipaslak og goal sa nakaon nga siyete minutos pa lamang sa duwa.

Sunod nga misalida si Yoji Eliott Selma nga naka-iskor sa ika-43 nga minuto ug duha ka minutos pa lamang ang milabay naka-goal sab dayon si Paul Joshua Mapula aron paghatag sa CVFA og 3-0 nga labaw sa halftime.

Wala na molingi pa sukad niadto ang nga sakop ni coach Glenn Ramos.

Ang bugtong konsolasyon sa Kaya FC mao ang goal ni Julian Romero sa ika-62 nga minuto.

Sa pagdominar nila sa lima ka adlaw nga torneyo bitbit ang perpektong 3-0 record, ang CVFA naka-angkon og katungod nga morepresenta sa Team Visayas sa National Finals sud ning tuiga didto sa Mindanao sa wa pa hisayring binyu.

Sa sangka alang sa ikatulong dapit, ang Negros Oriental-Siquijor Regional Football Association (NOSIRFA) milampornas sa East Visayas FA, 3-0.

Sila si Christian Anthony Lajot (65th), Earl Anthony Bandoquillo (83rd) ug Rafael Wandeler (88th) maoy nagtuboy sa NOSIRFA ngadto sa kadaogan.