Alaska vs NorthPort, NLEX vs SMB mosikad sa PBA Governor’s Cup
CEBU, Philippines — Duha ka kulbahinam nga mga duwa ang mosikad sa 46th PBA Governor’s Cup karong Miyerkules, Disyimebre 8, didto sa Ynares Sports Arena sa Pasig City.
Unang mag-abot sa alas-3 sa hapon ang Alaska Aces ug ang NorthPort Batang Pier ug pagasundan dayon kini sa engkuwentro tali sa NLEX Road Warriors ug San Miguel Beermen sa alas-6 sa gabii.
Wala pa hinoon gihapoy mga fans nga tugotan makasud sa binyu apan butang kini nga gilihok og maayo ni PBA commissioner Willie Marcial. Ning panapos sa season nga komperensiya sa liga diin ang mga teams dunay mga imports, lima ka adlaw ang mga duwa matag semana gikan sa Miyerkules ngadto sa Domingo.
Ang torneyo magsubay og one-round robin format diin ang 12 ka teams magbugno alang sa luna sa Top 4 nga dunay twice-to-beat advantage sa quarterfinals.
Best-of-five ang semis samtang best-of-seven ang kampiyonato. Sa laing bahin, ang Aces, Batang Pier, Road Warriors ug Beermen pulos naglantaw nga sugdan ang tagsa-tagsa nila ka mga kampanya sa mahayag nga dalan.
Ang Beermen moparada ni Brandon Brown, si Olu Ashaolu gipaabot nga mobida sa Alaska Milk, si KJ McDaniels mao gihapon ang mangu sa NLEX, samtang si Cameron Forte mag-debut sa PBA uban sa NorthPort.
Si NorthPort coach Pido Jarencio nanghinaut bnga si Forte makapalig-on sa ilang puwersa. Susama sab ang sentimento sa Aces ug Road Warriors.
“With KJ’s presence, with our new guys, with the rest of the guys, we feel we have the players to complement one another and I think we can get to the semifinals,” dason pa ni NLEX coach Yeng Guiao. Si McDaniels mi-average og 35.5 puntos, 13.5 rebounds, 4.4 assists ug 1.4 steals sa dihang ubos pa siya sa poder sa TNT nga iyang gihatud sa semifinal niadtonf 2019.
- Latest
