Legends Eagles Club shootfest karong weekend

CEBU, Philippines — Ang 1st Visayas Legends Eagles Club Shoot for a Cause mosikad na karong adlawa didto sa NS Firing Range sa lungsod sa Consolacion, Cebu. Tinguha sa maong tinirahay alang sa mahinungdanong kawsa mao ang pagkolekta og pundo alang sa duha ka institusyon nga nanginahanglan og hinabang. Kini mao ang Children’s Haven sa Cordova ug ang Hospicio de San Jose de Barili sa habagatang bahin sa Sugbu.

Ang rehistrasyon sa mga miyembro sa Fraternal Order of the Eagles nagkantidad og P2,500 apil na niini ang event shirt, paniudto ug 30 ka rounds sa mga bala.

Puyde sab nga makasalmot ang dili mga sakop sa organisasyon sa kantidad nga 1,700 apil na niini ang event shirt ug paniudto.

Kadtong dili gusto nga mokuha og t-shirt, pabayron lamang sila og P1,000. Paniudto lamang ang libre kanila. Ang Legends Eagles Club nga gipangulohan ni Vic Corvera usa sa mga clubs ubos sa Central Visayas Region II ubos ni Eagle Governor Dennis Enage, Jr.