Gullas mapasigarbohon sa mga atleta sa Talisay atol sa CVIRAA
CEBU, Philippines — Bisan paman og nahimutang sa ika-14 nga pwesto ang Dakbayan sa Talisay sa bag-o lang natapos nga Central Visayas Regional Athletic Association (CVIRAA), mapasigarbohon gihapon si Talisay City mayor Gerald Anthony “Samsam” Gullas.
Si Gullas nibutyag nga iyang nakita ang kahago sa mga atleta, coaches, ginikanan ug staff sa Department of Education (DEPED) Talisay City Division.
Matud pa ni Gullas nga malampuson man ang mga atleta sa ilang tinguha nga makakuha og medalya o wala, garbo gihapon niya nga nikumbati ang kabataan sa patas nga duwa.
Ang Talisay naa lang sa ika-14 nga pwesto nga nakakuha og tulo ka gold, unom ka silver ug 11 ka bronze medal.
Nakasugat sab og di maayong panghitabo ang Talisay labot sa pagkaon nga giingong napan-os, hinuon wala ra kini maka-apekto sa mga bata nga nakakaon sa pagkaon.
Nagpasalamat ang mayor sa tanan ug padayon ang pagsuporta sa kalihukan alang sa mga kabataan ilabi na sa paugnat sa kusog. (BANAT NEWS)
- Latest
