Kaso sa COVID-19 sa probinsiya padayong nikunhod
CEBU, Philippines — Padayon nga nagkaubos ang active cases sa COVID-19 sa Probinsiya sa Sugbo sa bulan sa Oktubre.
Base sa Oktubre 13, 2021 nga datos sa Provincial Health Office (PHO) anaa na lang sa 780 ang aktibo nga kaso sa COVID-19 diin mas ubos kini itandi sa kapin 5,000 sa niaging mga bulan.
Base sa ulahing datos sa PHO nga 287 sa mga natakdan sa COVID-19 anaa sa tambalanan diin mas ubos kini itandi sa mga anaa lang sa isolation.
Sa mga na-hospital, 140 ang adunay mild nga sintomas, 107 ang moderate, pito ang severe ug 33 ang hospital protocol.
Sa mga anaa sa isolation, 376 ang anaa sa home isolation samtang 117 ang anaa sa mga quarantine facility diin 356 ang adunay sintomas ug 137 ang walay sintomas.
Sa recoveries, mas daghan na karon ang nangaayo nga anaa sa 33,488 ang gidaghanon tanan.
Sa mga namatay, niabot ngadto sa 2, 433 ang COVID-19 related deaths diin 1,166 ang namatay sa COVID-19 mas daghan sa mga namatay gumikan sa laing sakit sama sa cancer, sepsis, heart attack ug uban pa.
Ang mga anaa sa “other diagnosis” nagpositibo sa COVID-19 apan naayo ra sa infection ug lahi nga sakit ang namatyan ug adunay 207 ang wala pay diagnosis. — /BDB (BANAT NEWS)
- Latest
