Budget alang sa Independence Day gipatibhangan ni Garcia

CEBU, Philippines — Gipatibhangan ni Acting Cebu City Mayor Raymond Alvin Garcia ang budget alang sa mga kalihokan sa Independence Day activities sa siyudad sa sunod buwan.

Ang Independence Day saulogon kini matag Hunyo 12 kada tuig.

Gikan sa P11 milyones nga giduso nga proposed budget nahimo nalang kining P3 milyones.

Kini ang gipahibalo ni Garcia atol sa gipahigayon nga press conference kagahapon sa buntag.

Adunay mga kalihokan nga gitang-tang alang sa maong kasaulogan nga gilangkuban testimonial dinner, Sta. Cruzan, ug barangayan program.

Matud ni Garcia nga dili kaayo haom ang maong kalihokan sa Independence Day diin dako-dako ang magahin niini nga pundo.  Adunay mga kalihokan nga ipahigayon sa maong adlaw apan ipaagi nalang kini sa simple nga selebrasyon. (BANAT NEWS)