^

Banat Balita

Kapolisan duna nay POI sa pagpusil patay sa DJ sa usa ka bar

Decemay P. Padilla - Banat

CEBU, Philippines — Duna nay persons of interest ang Abellana Police Station 2 mahitungod sa pagpusil patay sa 27 anyos nga DJ sa usa ka bar diha sa Barangay Cogon Ramos, siyudad sa Sugbo niadtong Sabado, Abril 20.

Kahinumduman, pasado alas 3 sa kadlawon niadtong Sabado gipusil ang biktima nga taga Barangay Tinago, Cebu City.

Dihang nahitabo ang krimen ang biktima kuyog ang katrabaho niini nigawas sa bar nga ilang gitrabahoan.

Niinsister matod pa ang biktima nga maoy mokuha sa motor sa iyang kauban sa trabaho nga naka park sa usa ka fast food chain sa Barangay Cogon Ramos.

Sigon pa sa katrabaho sa biktima nga samtang nagsunod siya sa biktima nga mokuha sa motorsiklo kalit mibutho ang mamumuno nga nagsul-ob og black t-shirt ug nagsakay og motorsiklo.

Sa wala'y igong rason kalit nga gipusil ang biktima nga naigo sa ulo nga maoy rason sa iyang hinanaling kamatayon.

Matud ni Police Major Mark Don Alfred Leanza, Hepe sa Abellana Police Station 2 nga   ang maong persons of interest ilaha ng giimbestigaran ug padayon sab ang ilang hot pursuit operation apil na ang pagtan-aw og CCTV footages sa dapit.

Hinoon, wala na kaayo mohatag og detalye pa si Major Leanza aron dili maapektuhan ang ilang imbestigasyon.

Daghan silang gisubay nga motibo sa maong krimen diin usa na niini ang impormasyon nga ilang nakuha nga giingong daghan og kontra ang biktima.

Samtang sa laing kalambuan, usa sa mga tan-awon sa kapolisan sa Sawang Calero Police Station 6 sa Cebu City Police Office (CCPO) ang posibilidad nga may kalambigitan sa illegal nga drugas ang pagpusil sa 44 anyos nga babaye diha sa Sitio Gen. Genis, Barangay Sawang Calero, siyudad sa Sugbo niadtong Sabado sa buntag, Abril 20.

Ang biktima nga si Junabel Torreon, 44 anyos, residente sa Barangay Duljo Fatima naangol human ang bala niigo sa iyang kamot ug lapos sa dughan.

Hinoon sa pagkutlo ning maong balita stable na ang kahimtang sa biktima.

Matud ni Police Major Francis Talosig nga wala nila gisalikway ang posibilidad nga may kalambigitan sa illegal nga drugas ang motibo sa pagpusil.

“Base pud sa atong imbestigasyon sa mga tawo nga nakaila atong bayhana naay dungog-dungog nga mamaligya pud siya og shabu so naay posibility nga drug related ni siya, utang sa drugs, mao siguro toy gisingil, possibility lang na, usa sa atong tan-awon”, suma ni Major Talosig. (BANAT NEWS)

vuukle comment

CRIME

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with