Isla sa Camotes ang suroyon sa delegado sa Suroy-Suroy Sugbo
CEBU, Philippines — Niabot ngadto sa 350 ka bisita ang gipaabot nga moapil sa sunod nga Suroy-Suroy Subo sa Isla sa Camotes karong umaabot buwan sa Abril niining tuiga.
Apil sa mga partisipante mao ang mga regional director sa Department of Tourism sa 12 ka rehiyon sa nasud pangulohan ni Tourism Secretary Christina Garcia-Frasco isip kabahin sa ilang benchmarking activity.
Si Senador Robin Padilla ang gilaoman usab nga moapil sa maong tourism caravan nga magsugod sa Lungsod sa Pilar sa unang adlaw dayon motabok sa Lungsod sa San Francisco alang sa overnight stay ug ipadayon ang tour sa ikaduhang adlaw diha sa Lungsod sa Tudela ug matapos sa Lungsod sa Poro. Ang Suroy-Suroy Sugbo Enchanting Camotes ipahigayon sa Abril 15 ngadto sa 16.
Subay niini, nag-andam na ang upat ka LGUs sa Camotes alang sa paghangop sa mga bisita. Si Gobernador Gwendolyn Garcia nipahimangno sa mga tourism officer ug resort operators ug mga stakeholder nga ihatag ang “world-class” nga serbisyo sa mga bisita apil na niini ang pagsiguro nga limpiyo ug hamugaway ang rooms sa mga bisita ug mga amenities. (BANATNEWS)
- Latest