P500 milyones danyos sa 219 ka insidente sa sunog sa Cebu City
CEBU, Philippines — Nikabat na ngadto sa P500 milyones ang danyos sa 219 ka insidente sa sunog nga natala sa Siyudad sa Sugbo gikan sa buwan sa Enero hangtud sa Disyembre 6 niining tuiga.
Base sa datos Cebu City Fire Station sa buwan sa Enero niabot ngadto sa 26 ka sunog ang natala; 16 ka sunog sa buwan sa Pebrero; 26 sa Marso; 13 sa Abril; 17 sa Mayo; 20 sa Hunyo; 18 sa Hulyo; 21 sa Agosto; tag 18 sa mga buwan sa Septiyembre ug Oktubre; 22 sa Nobiyembre ug upat sa buwan sa Disyembre.
Ang 219 ka sunog nga natala nikabat ngadto sa P515.8 milyones ang kinatibuk-ang danyos niini diin mas dako kini itandi sa nilabay'ng tuig nga P100.6 milyones ug 203 ka sunog ang natala sa samang mga buwan. Si Senior Fire Officer 2 Wendell Villanueva, tigpamaba sa CCFS nagkanayon nga unta dili na madugangan ang maong danyos.
Matud ni Villanueva nga ang paglikay sa sunog concern kini sa tanan dili lang sa kabomberohan. —/BDB (BANAT NEWS)
- Latest