2 ka provincial hospital butangan og hemodialysis machines

CEBU, Philippines — Duha ka mga provincial hospitals ang butangan og 30 ka hemodialysis machines sa usa ka kompaniya.

Kini human nga ang Probinsya sa Sugbo ug ang Medtronix Medical Supplies and Equipment nisulod og memorandum of agreement (MOA) alang sa pag install ug pagmintenar niini.

Ang Cebu Provincial Hospital sa Carcar ug Danao maoy butangan sa maong mga ekipo kon diin adunay edistino usab nga mga technicians.

“Rest assured of course that we will perform in accordance with all your expectations,” matud sa tag-iya ug general manager sa Medtronix nga si Jona Brigida Navarro.

Ang MOA gipirmahan niadtong Disyembre 2, 2022.

Ubos sa maong kasabotan, ang Medtronix mobutang pud og support system sa mga dialysis centers sama sa direct feed reverse osmosis machines, water pre-treatment system ug 15 ka recliner chairs ug uban pa.

Matud ni Gobernador Gwendolyn Garcia nga usa kini sa mga lakang nga gihimo sa Kapitolyo aron nga mapalambo ang health services sa mga tambalanan nga gidumala sa probinsya sa Sugbo.

“We will not stop there. We are also looking at providing other provincial hospitals, including Bantayan and Camotes. Just give us a little more time… You know how I operate. If I could do this yesterday, I would have done it already. But we are shackled by procedures” matud ni Garcia sa taho sa Cebu Capitol Information Office.

Ang Medtronix usa ka kompaniya nga nalambigit sa operasyon sa renal ug hemodialysis center sa nasud lakip na ang hemodialysis sa Vicente Sotto Memorial Medical Center sa dakbayan sa Sugbo.

Ang maong kompaniya nisumiter kini og “unsolicited offer” ngadto sa Economic Enterprise Council sa Probinsya gipangulohan sa Gobernador alang sa gitanyag nga hemodialysis equipment package niini ngadto sa mga tambalanan sa Probinsya sa Sugbo niadtong bulan sa Septiyembre karong tuiga. Le Phyllis F. Antojado/MEL

Daycare workers gitahasan pag-abag sa kampanya batok malnutrition

Gidasig sa Department of Social Welfare and Services ang mga daycare workers nga motabang sa pagsangyaw sa ka importante sa pagpakigbatok sa malnutrition dinhi sa dakbayan sa Sugbo.

Kini atol sa panagtapok nga gipahigayon sa Early Childhood Care and Development Program (ECCDP) sa kagamhanan sa siyudad.

Suma pa sa pangu sa ECCDP Marivic G. Alolod sa Department of Social Welfare and Services nga isip mga daycare workers, sila ang angayan og dunay katakus sa pagpakatap og mga impormasyon kabahin sa proper nutrition ngadto sa mga ginikanan.

“When a child lacks proper nutrition at an early age, it prevents proper development of his well-being and will greatly affect him, especially during his adolescence,” suma pa ni Alolod.

Aron makabaton og katakus ang mga daycare workers, ang DSWS mi-organisar og usa ka adlaw nga refresher program segun sa tahu sa Cebu City PIO.

Gawas niana duna usab giandam nga mga programa ang kagamhanan aron makatabang sa pagsangyaw ug aron wad-on na ang malnutrition nga nasinate sa kabataan sa siyudad.

“Naa tay mga programs nga underway, because mao gyud ni atong plan nga i-reduce or wagtangon ang malnutrition dinhi sa atong siyudad,” suma pa ni Alolod.

Kahinumduman niadtong tuig 2019, ang Department of Health mitahu nga duha sa lima ka mga bata dinhi sa Central Visayas ang nag-antus sa malnutrition gumikan sa kawad-on, suma pa ni Lyka Salon, usa ka nutritionist gikan sa City Nutrition Office. “Because they do not have access (to good nutrition) because of their economic status, kids here suffer from malnutrition,” suma pa ni Salon.