^

Banat Balita

Parilla: Tanang ordinansa nga lakip sa Oplan Disiplina mapatuman

Decemay P. Padilla - Banat

CEBU, Philippines — Ipatuman sa kapolisan sa Siyudad sa Sugbo ang tanang ordinansa sa kagamhanan sa siyudad nga lakip sa Oplan Disiplina.

Gisugyot nga magbutang og holding center alang sa mga makalapas sa ordinansa apan adunay uban nga nagkanayon nga dili na kinahanglan ang holding center gumikan kay adunay ubang ordinansa nga multa ang silot.

Ug kon ma-finalize na ang tanan nga gikinahanglan alang sa Oplan Disiplina ang kapolisan mahimo na usab nga makaisyu og citation tickets sa makalapas.

Apan gitataw ni Police Lieutenant Colonel Wilbert Parilla, Cebu City Police Office deputy city director for administration nga gawas sa pagpatuman sa ordinansa mohatag usab sila og siguridad sa mga mopatuman sa Oplan Disiplina.

Nasayran nga karong Oktubre 1, 2022 adunay dry run nga himuon sa Oplan Disiplina sa siyudad.

Matud ni Parilla nga mapatuman ra ang tanang ordinansa tungod kay aduna na sila’y kaabag sama sa Prevention, Restoration, Order, Beautification and Enhancement (PROBE), Cebu Environmental Sanitation and Enforcement Team (CESET) ug uban pa.

Sa laing bahin, gibutyag ni Parilla nga igo ra sila mopatuman sa mga palisiya nga ipagawas sa Cebu City government ilabi na mahitungod sa street dwellers.

Makita diha sa kadalanan sa Cebu City ang street dwellers diin bisan og i-rescue na mobalik lang gihapon diha sa dalan ug anha matulog ug ang uban kanila maghimo na og balay-balay.

Matud usab ni Parilla nga ang kagamhanan sa siyudad maoy mohimo og mga palisiya kalabot niini ug sila sa kapolisan igo ra mo-implementar.

Dugang ni Parilla nga dili sila makahimo og balaod apan mahimo silang makasugyot og mga pamaagi aron malimpiyo ang Siyudad sa Sugbo. —BDB (BANATNEWS)

OPLAN DISIPLINA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with