Konseho, misuporta sa Senate bill nga “Safe Bottled Water Act”
CEBU, Philippines — Nipadayag og suporta ang konseho sa siyudad sa Sugbo sa Senate Bill No. 603 o ang “Safe Bottled Water Act of 2019.”
Giduso ni Senador Juan Miguel Zubiri, ang SB 603 nga nagtinguha sa paghatag og framework nga mag-regulate sa quality standards alang sa bottled waters aron pagsiguro nga ang tanang bottled water nga ibaligya luwas ug haom nga imnon sa publiko. Si Konsehal Rey Gealon maoy nag-sponsor og resolution sa maong butang nga giaprobahan sa konseho.
Matud ni Gealon, ang usa ka mahinungdanong probisyon sa gisugyot nga lakang naghatag alang sa quality standards nga bottled waters, ingon man ang pag-monitor, pag-report, ug pag-inspeksyon niini.
“Ensuring that every Filipino has access to clean, safe and affordable drinking water is important in securing the safety and wellness of the population,” segun sa explanatory note sa SB 603. MEL (BANATNEWS)
- Latest
