Kapitolyo mibalik na og hatag sa Dasig Sugbo cards
CEBU, Philippines — Gibalik karon sa Kapitolyo ang pag-apud-apod sa Dasig Sugbo cards ngadto sa mga residente sa Probinsya nga apektado sa bagyong Odette sa niaging tuig.
Si gobernador Gwendolyn Garcia maoy nangulo sa paghatag sa maong coupon cards didto sa lungsod sa Pinamungajan.
Moabot sa 11, 590 ka Dasig Sugbo cards ang giturn over sa Kapitolyo niadtong Mayo 20 kon diin ang matag cards nagkantidad og P3, 000 alang sa mga pamilya nga partially damage ang balay tungod sa bagyo.
Moabot kini sa P34. 7 million ang kantidad sa nahatag nga coupon cards.
Gawas sa Pinamungajan, gihatagan usab ang mga beneficiaries sa Barili ug Balamban niadtong adlawa.
Ang maong cards magamit kini sa mga beneficiaries sa pagpalit og mga materyales pag ayo sa balay ug mga groceries ngadto sa mga partner nga merchants, supermarkets ug grocery stores sa probinsiya sa Sugbo.
Ang balor sa Sugbo cards adunay P3, 000, P5, 000 ug P8, 000 ug ang modawat nga benepisyaryo mag-agad sa kadaut nga namugna sa ilang mga panimay, diin dunay partially ug totally damaged.
Sa nasayran ang Probinsya sa Sugbo nigahin og P2 bilyones alang sa post recovery ug rehabilitation effort nonot sa bagyong Odette. —MEL (BANATNEWS)
- Latest
