^

Banat Balita

Mga residente sa Campo 4 ug Manipis prayoridad nga makatinda

Gabriel C. Bonjoc - Banat

CEBU, Philippines — Gikalipay sa mga kapitan sa duha ka bukirang barangay sa Dakbayan sa Talisay nga ang ilang konstituwente ang prayoridad sa pagpaninda diha dapit sa himuon nga viewing deck sa utlanan sa Barangay Campo 4 ug Manipis.

Si Mayor Gerald Anthony “Samsam” Gullas Jr. nigahin og pundo alang sa maong proyekto.

Nakita ni Gullas ang maong dapit nga pwede kaayo kining himuon nga tourist destination sa siyudad tungod sa kanindot sa palibot ug makita ang bukid nga porma og “sleeping dinosaur”.

Gilaoman ni Gullas nga gumikan sa maong proyekto mabuhi ang ekonomiya diha sa bukirang barangay sa siyudad.

Ang mga residente sa nahisgutang duha ka barangay ang hatagan og prayoridad sa siyudad nga maka-negosyo o makapaninda diha sa lugar.

Gihangop sa mga kapitan sa duha ka barangay ang maong proyekto tungod kay makabenepisyo niini ang mga gagmay’ng negosyante sa ilang lugar.

Ang viewing deck nga himuon layo ang nahimutangan niini sa dapit diin mag-landslide.

Sa laing bahin, sulod sa duha ka buwan nga wala makaikid ang mga Talisaynon niadtong Sabado ug Domingo gibalik na ang zumba sa Talisay.

Gihimo kini ni Gullas nga libre sa tanan nga gustong magpasingot.

Dako ang kalipay ni Gullas nga napaubos na sa alert level 1 ang quarantine status sa siyudad diin gitugotan na ang mga tawo nga makagawas-gawas sa pinuy-anan.

Ang zumba ipahigayon kini sa matag adlaw nga Sabado ug Domingo sayo sa buntag diha sa atubangan sa Talissay City Hall. Gidagsa ang maong kalihokan ug kasagaran niini ang mga kababayen-an. BDB (BANATNEWS)

TALISAY

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with