^

Banat Balita

Kakampinks Ceboom gidagsa

Sanden J. Anadia - Banat

CEBU, Philippines — Bisan sa mga kalisdanan pagadto tungod sa kakuwangon sa masakyan padung sa venue sa grand rally sa Kakampinks diha sa Mandaue City, midagsa gihapon ang kaliboang mga supporters nilang presidential aspirant Vice President Leni Robredo ug Senador Kiko Pangilinanan aron pagpakita sa ilang suporta sa duha ug sa ilang kaubanan.

Ang uban kanila nagbaktas padung sa venue bisan sa naglagiting nga kainit sa adlaw.

Ang uban sayo palang sa buntag anha na nagpaabot sa kasikbit nga mall dala ang ilang mga placards, samtang ang mga kabataan anha na naghimo og mga placards sa lobby sa mga malls duol sa venue. Sayo palang kagahapon sa buntag, ang mga Pink Cebu nga maoy organizers sa grand rally  mi-post sa ilang Facebook page nga nangayo og pasaylo ug gamay’ng pailob sa ilang mga supporters tungod sa kanihit sa ilang masakyan padung sa venue.

Sila namasangil nga wala  hatagi og special permits  sa Land Transportation Regulatory Franchising Board-7 ang pipila ka sakyanan nga mao untay mokuha sa ilang volunteers sa pickup points paingon sa Mandaue City kun diin gihimo ang kalihokan nga gitawag og "Ceboom."

Ang Ceboom mao ang grand rally sa partido ni Robredo ug Pangilinan nga gihimo sa 9.2 ektaryang bakanteng luna sa reclamation area sa maong siyudad.

Nasayran nga gisumsoman sa netizens ang maong report hinungdan nga miani og mga pagsaway ang maong ahensya tungod sa matud pa dili patas nga pagtagad ngadto sa mga kandidato.

Sa social media account  sa organizers sa "Ceboom" nangayo sila og pasensya sa taas nga linya sa mga pick up points sanglit dili naman igo ang gidaghanon sa ilang mga sakyanan nga makapasakay kanila.

"Due to the REFUSAL of LTFRB 7 to issue special permits for our VOLUNTEER vehicles, we may have long lines in our designated pick-up points. We are asking for your extended patience and understanding. Please bear with us," tipik sa post sa  Pink Cebu. Daku kini og kalainan sa grand rally sa karibal nga grupo nga mao ang  Uniteam (BBM-Sara) niadtong Abril 18 , diin ubay-ubay ka bus nga nanghakot og supporters paingon sa South Road Properties.

Apan si LTFRB-7 Regional Director Eduardo Montealto niklaro nga niisyu sila  og  special permits sa mga sakyanan nga gigamit sa Ceboom.

Gawas lang sa 18 ka units nga gipanag-iya sa usa ka pribadong transportation company nga dunay kontrata sa programa sa LTFRB-7 nga Libreng Sakay  alang sa sumasakay sa pipila ka dapit sa Sugbo.

"Dili siya pwede mohawa sa rota kay naa man siyay kontrata nga mao gyud nay agian niya. Pero naa mi gitagaan nga buses og special permits  nga dili part sa contract servicing, " sumala pa ni Montealto.

Matud pa nga nakabayad na ang LTFRB-7 sa serbisyo sa maong units base sa kontrata  busa dili kini mahimo nga mogawas sa rota niini   Sumala pa ni Montealto ang maong operators nisuway og kuha ug special permit ubos sa freedom of expression apan tungod kay bayad naman sila sa maong service contracting dili sila tugotan nga makabiya sa ilang mga rota.

Giklaro ni Montealto ang wala paghatag nila og permit dili tungod sa pagpugong sa mga supporters ni Robredo nga makaadto sa maong rally kung dili pagpadayon kini pagsunod sa service contract.

Nag-commute

Apan bisan pa man niini, liboan ka mga Sugbuanon ang nidagsa kagahapon sa Leni-Kiko grand rally didto sa Mandaue City, ang kadaghanan nag commute ug nagbalhin-balhin sa mga pasaheroan aron makaabot sa venue.

Ang mga pasaheroan nagbiyahe padung duol sa venue namungingi sa mga pasaherong nagsuot og kolor pink, gikan sa mga edaran hangtud sa mga kabataan.

Sa sayo pa kagahapong adlawa nilusad na og nagkadaiyang martsa ang mga supporters ni Robredo sama sa pagparada ug uban niini duna gyuy mga floats nga nagmotorkada sa kadalanan.

Sa wala pa nitikang ang mga kandidato sa main venue, gibisita nila og una ang Bantayan Island ,  Bogo City , ug Danao City kun diin duna say mga rallies nga nahitabo.

Nakigkita sab si Leni ug Kiko kanilang Danao City Mayor Ramon Durano III alang sa closed-door meeting kauban nilang gubenatorial candidate Ace Durano, vice gubernatorial candidate Hilario Davide III, ug kanhi vice governor Agnes Magpale.

Crowd estimate

Si Lt. Colonel Franco Oriol, Deputy City Director for Operations sa Mandaue City Police Office sa dihang gipangutana sa media miingon nga 40 mil ang mga tawong nitambong sa maong rally.

Matud pa niya lima lang ka ektarya ang maong luna, ang usa niini gibutangan sa stage, VIPs, emergency personnel, firetrucks, ug mga ambulansiya.  Matud pa sab niya ang usa ka ektarya 10,000 sqm. Kada square meter dunay masulod nga upat ka tawo kun magbarog. Nagpasabot kini nga tungod kay 40 mil ka square meters ang lugar moabot og 40 mil ang mga tawo didto.

"So nakita nato sa drone nga sa atong drone shots na sa usa ka hektarya, quadrant,¼ lang ang na occupy,ang duol ra sa stage, so given na ¼ lang, given each quadrant, that is how I come up with 40,000," matud pang Oriol.

Ang kataposang pagbanabana pagka-alas 8 sa gabii giingong niabot na kini og 50 mil. Human sa maong pamahayag, si Oriol mipadayag sa media nga dili na kini mohatag pa og dugang update sa crowd estimate.

Apan si Anol Mongaya , convenor sa Leni-Ace-Junjun Movement miingon nga base sa ilang pagbanabana moabot og 300 mil ang nanambong samtang si Ricky Ballesteros kinsa maong head coordinator sa Ceboom rally miingon nga 320 mil ang banabana nila sa mga tawong nanambong. Kini human nga bisan ang gikahimutangan sa mga VIPs ug emergency vehicles duna nay mga tawo ug sa kinakiliran sa venue.

Sa Uniteam Festival Rally sa Filinvest sa SRP nga dunay gilapdong 30 ektarya, tulo ka ektarya niini ang gigamit nga venue. Ang unang pagbanabana sa kapolisan moabot 300 mil ang nanambong, apan pagkasunod adlaw gikorihian nila kini ngadto sa 200 mil. —Rowena D Capistrano, Iris Hazel Mascardo/IBM (BANAT NEWS)

LENI ROBREDO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with