_banat
^

Banat Balita

Nagpatay sa 10-anyos gikalag?

Gabriel Bonjoc - Banat

CEBU, Philippines — Nagubot ug gituohang gikalag ang 18 anyos nga suspek sa linoog nga pagpatay sa 10-anyos nga si Kiara Mae Namanama kansang lawas gipaslak sa usa ka gamay nga langub sa Barangay Tapul niadtong Enero 9,2022.

Samtang ang tulo ka matud pa gipanghinganlan sa suspek nga gialegar niyang kauban niya sa paghimo sa krimen mitahan dayon sa kapolisan aron limpyohan ang ilang mga pangalan.

Ang kapolisan sa Dakbayan sa Talisay  miingon nga libog kaayo ang mga pamahayag ni Ian Rey Baculi nga taga Purok Avocado 2, Barangay Maghaway, ang prime suspect sa maong krimen.

Una niini giangkon ni Baculi sa mga polis nga nag-inusara siyang mipatay ug milugos ni Namanama.  Apan pagkasunod adlaw niana niangkon na sab siya nga duna pa siyay laing tulo ka mga kauban paghimo sa krimen.

Si Police Lt. Col. Randy Caballes, hepe sa kapulisan pagkasayod niini misusi sa mga tawong gipanghinganlan ni Baculi.

Apan ang tulo mitahan dayon sa mga polis pagkasayod nga gisuspetsahan sila sa maong krimen uban sa ilang mga agalon, kauban sa trabahoan ug ingon man mga logbook isip ebidensyang makapamatuod nga nagtrabaho sila  anang mga orasa nga nahitabo ang maong krimen.

Si Namanama na-missing niadtong Enero 5 ug napalgan nga nagsugod na og kadugta ang lawas Enero 9. Nadakpan si Baculi niadtong adlaw nga Miyerkules atol gyud sa adlaw sa paglubong sa biktima.

Si Caballes miingon nga sa ilang imbestigasyon sa tulo nga gipanghinganlan ni Baculi, nasuta nga ang pulos niya nakaaway kaniadto.

 Ang usa kanila nakasukmagay gyud ni Baculi kaniadto. Samtang ang duha nga usa ka drayber og pasaheroan ug truck boy sa tiglabay og basura ang usa pareho sab nakabikil sa suspek tungod kay matud pa badlungon man kini si Baculi.

“Nakita gyud nato nga gubot ang iyang huna-huna hinungdan sa iyang pagka inconsistent,”nagkanayon si Caballes.

Matud pa ni Caballes nga duna silay pito ka lig-ong testigo nga makatumbok nga si Baculi ra gyud ug walay labot ang tulo nga uwahing nakauban sa biktima nianang adlaw nga kini nahanaw.

Si Baculi daan na sab miangkon nga tiggamitan kini og ilegal nga drugas.

Samtang usa sa mga job order employee sa Talisay City Hall nga nadestino sa Talisay City Police Station miingon mitug-an nga nanglimbawot iyang balahibo sa dihang gisultihan siya ni Baculi nga naa sa iyang luyo si Namanama.

Sa dihang iyaha kining gipangutana kung nag-unsa kini sa ilawom sa lamesa, gikatahong nitubag kini nga “naa ang bata.”

Atol sab sa pag-imbestigar kang Baculi nga gikuhaan og video, dihang gipangutana kini bahin sa krimen kalit nga dunay naapil nga kanaas nga daw tingog sa bata.— IBM (BANATNEWS)

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with