_banat
^

Banat Balita

Tsirman sa MCWD nihimakak

Sanden J. Anadia - Banat

CEBU, Philippines — Hugtanong gihimakak sa Chairman sa Metropolitan Cebu Water District nga si Atty. Jose Daluz III ang pasangil sa usa ka developer nga si Benito Aratea nga matud pa nalambigit siya sa usa ka anomalosong transaksyon.

SumaLA pa ni Daluz nga kinahanglan gyud siya nga motingog sanglit dakong bakak ang gisulti ni Aratea. Matud pa niya nga posibleng nasuko kini human naputol ang giingong quarry operation niini.

Gipasanginlan si Daluz nga nangayo og kuwarta kang Aratea isip kabahin sa transaksyon sa dihang nagpatrabaho kini og sugod alang unta sa dalan gikan sa Pardo ngadto sa Barangay Toong. Giingong nasuko ang mga tawo sa gibuhat ni Aratea kay imbes road opening ang pagbuhaton niini, nag-quarry na hinuon kini.  Dugang pa ni Daluz tumo-tumo kining gihimo ni Aratea ug wala kini ebidensya sa mga gipasangil niini. “Nangreklamo ang mga property owners kay wa man ni maghimo’g dalan, nag-quarry naman na siya dinha. Nag-quarry siya, so gipaundang siya,” suma pa ni Daluz.

Matud pa niya nga dili haom ang gibuhat ni Aratea sa paglugwa niini sa Citizen’s Hour sa session sa Konseho sa siyudad niadtong Miyerkules kay ang husto nidangop unta kini sa korte nga maoy “proper forum.”

Apil sa mga gipasanginlan ni Aratea sila si City Administrator  Floro Casas Jr. ug City Legal Officer Rey Gealon kinsa parehong nihimakak ug wala makaila sa namasangil kanila, ang duha nagtinguhang mopasaka og kaso batok niini. — /IBM (BANAT NEWS)

MCWD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with