Babaye gipatay sa mselosong kapuyo

CEBU, Philippines — Patay ang usa ka 29- anyos babaye human siya gikatahong gipusil sa iyang kapuyo diha sa ilang panimay sa B. H Garces,  Barangay Cansojong, Dakbayan sa Talisay kagahapon sa alas-3 sa hapon.

Ang biktima mao si Janine Ubas, 29, nagpuyo sa maong dapit. Samtang ang suspek mao si Jireh Guba, 29.

Si Police Corporal Milfred Labitad, imbestigador sa Talisay City Police Station miingon nag- away ang managkapuyo ug kalit lang masipang buto ang nadunggan sa mga silingan ug sunod nilang nakita si Ubas nga samdan.

Si Teody Ubas, uyoan sa biktima nitataw nga human nga gipusil ni Guba ang iyang kapuyo nigawas kini sa ilang pinuy-anan ug mitahan sa iyang kalibre .45 ngadto sa igsuon sa namatay.

Si Jocel Ubas, igsuon sa biktima nitataw nga ang suspek miduol kaniya bitbit ang armas ug mipahibawo nga motahan siya. Apan gikuptan na niya ang armas aron nga masiguro ang pagsurender hangtud nga iyangm gituok ang suspetsado paingon sa karsada.

Si Joy Ubas, igsuon sab sa namatay miingon nga iya pang gitabang ang iyang manghud apan wala na siyay nahimo kay sa ulo naigo ang biktima.  Matud pa niya nga seloso ug igihan ang suspetsado.

Sayo nianang buntag sa samang adlaw gikatahong  nag-away ug nadapatan sa suspek ang biktima hinungdan nga nagsige na sila og kumprontasi.

Si Jocel miingon nga iyang nadunggan nga naglalis ang duha ug nadungog ang masipang buto. Matud pa niini, nadungog ang buto sa armas human miingon ang biktima nga makigbuwag kini sa suspek.

“Igihan gyud kaayo na siya (suspek). Nangaon mi sa akong igsuon nangigi siya. Moapil lang og kaligo ang akong igsuon sa iyang mga pagumangkon mangigi sab siya. Iya pirme kuyogan akong igsuon bisan asa molakaw kay madudahon man nga naa raman unta na sa balay akong manghud,” sigon pa ni Joy. Matud pa niini, aduna say pending nga kaso sa pagpamusil ang

suspetsado, apan wala pay kompirmasyon gikan sa kapolisan bahin niini. Sumala pa sa mga kabanay sa biktima estambay ang suspek ug tiggamitan

sab og ilegal nga drugas. Adunay 8 -anyos nga anak ang biktima sa una niyang kapuyo

samtang usa ka 4- anyos nga special child ang ila sa suspetsado. Ang suspek gidala sa bilangguan nga gikatakdang pasakaan og kaso (BANAT NEWS)