Namupo og manga nakuryentihan patay
CEBU, Philippines — Patay ang usa ka lalaki nga namupo og bunga sa mangga pinaagi sa pagsaka sa punoan niini ug nigamit kini og kuhit apan nakuryentihan diha sa Sitio Kalubihan sa Barangay Pagsabungan sa Dakbayan sa Mandaue.
Giila sa kapolisan sa Presinto 3 sa Mandaue City Police Office (MCPO) ang nakuryentihan nga mao si FJ Tamarillo, 28, taga Lungsod sa Argao apan nag-abang kini og panimalay sa maong dapit. Ang caretaker sa maong manga nga gikatkat sa namatay miingon nga mihangyo kini kaniya nga mopalit og mga bunga sa manga.
Iya kining gibalibaran tungod kay wala man diha ang iyang anak nga maoy mosaka aron maoy mamupo.
Apan miinsister kini nga siya lang an gang mosaka kay makamao man kini ug gamitan lang niini og kuhit kadtong dili maabot.
Apan nahingangha na lamang ang caretaker tungod kay nga nakuryentihan na sa ibabaw ug nasangit didto si Tamarillo hinungdan nga nanawag kini sa otoridad.
Ang mga personnel sa Mandaue CIty Disaster Risk Reduction Management OLffice (CDRRMO) mao na ang nagkuha sa patay’ng lawas nga nasangit sa dakong sanga sa mangga.— IBM (BANATNEWS)
- Latest