170 ka establisamento nahatagan og permit
CEBU, Philippines — Gipahibawo ni Cebu City Mayor Edgardo Labella nga sa 170 ka establisamento sa Siyudad sa Sugbo nga gihatagan nila og special permit aron makapamaligya og ilimnong makahubog adunay usa ang ilang gimbestigar karon ug gipadalhan na kini og show cost order aron paesplikahon.
Giingong ang maong establisamento nakalapas sa minimum health protocols nga gipatuman aron malikayan ang COVID-19.
Sa niaging semana gilibkas na ni Labella ang gipatumang liquor ban sa siyudad.
Apan sa dili pa makapamaligya og ilimnong makahubog ang mga establisamento gi-required kini nga mopaubos og Health Infection and Prevention Control Officer(HIPCO) training sa Cebu City Health Department ug Emergency Operations Center sa dili pa sila isyuhan og special permit.
Sa lang bahin, gipahimangnoan ang mga establisamento nga nagbaligya og ilimnong makahubog nga sundon ang guidelines nga gipatuman sa kagamhanan sa Dakbayan sa Mandaue nga naglakip sa pagkuha og business permit.
Si Atty. Lizer Malate, hepe sa Mandaue City Business Permit and Licensing Office (BPLO) nipahimangno niini human gilibkas ni Mayor Jonas Cortes ang liquor ban sa siyudad niadtong Lunes. Romeo T. Limpangog (BANATNEWS)
- Latest
