_banat
^

P3.4 milyones shabu nasakmit gikan sa managkapuyo

Rowena Capistrano (Banat) - May 15, 2021 - 12:00am

CEBU, Philippines — Gibanabanang P3.4 milyones nga balor sa ginadili nga drugas ang nasakmit gikan sa duha ka gipasanginlang drug pushers human nasakpan pinaagi sa search warrant sa Philippine Drug Enforcement Agency Central Visayas ug Naval Forces Central , Central Command diha sa usa ka balay Block 2 Belgium Street, Barangay Suba ning Dakbayan sa Sugbo kagahapon sa buntag.

Ang nasikop mao ang managkapuyo nga sila si Jaime Gastador, 43, ug Jocelyn Premacio, 47, residente sa maong lugar.

Nasakmit gikan sa mga dinakpan ang 17 ka putos sa ginadili nga drugas nga motimbang og 500 gramos ug ang buy bust money.

Matud pa n Leia Albiar-Alcantara, tulo ka semana nilang gipanid-an ang kalihokan sa duha ayha nila gilusad ang operasyon.

Sumala pa ni Alcantara, modus sa mga dinakpan nga mogamit ug mga minor de edad aron maoy sugoon paghatud sa ilegal nga drugas ngadto sa nipalit.

Ang mga dinakpan giingong makadispatsar ug tagsa ka kilo matag semana.

Gibutyag ni Alcantara, ang pagpahigayon sa operation adunay pakig-alayon sa Cebu City Jail Male Dormitory tungod kay base sa ilang impormasyon naa sa sulod sa maong prisohan ang agalon sa duha.

Si Cebu City Mayor Edgardo Labella midayeg sa mga tropa sa gobiyerno sa maong malampusong operasyon. Nagkanayon si Labella nga ipadugta gyud sa prisuhan ang mga nalambigit sa pagpamaligya sa ginadiling drugas.— Decemay P. Padilla/IBM (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with