2 ka lalaki napalgang naglutaw sa dagat

CEBU, Philippines — Nakit-an nga naglutaw sa dagat, kagahapon sa buntag ang duha ka mga lalaki nga gikatahong nalumos niadtong Martes samtang nangaligo ug dagat sa may Sitio Canlusong, Brgy. San Isidro, San Francisco, Cebu, bisan taliwala sa dagko nga balud.

Ang mga biktima mao sila si Clark Paradero, 21anyos, ulitawo ug John Mark Gerodias, 18anyos, ulitawo, puros taga Purok Baring, Barangay San Isidro sa maong lungsod.

Ang mga tinugyanan sa Philippine Coast Guard, San Francisco Police Station, Maritime Police, BFP ug mga niboluntaryo nga mananagat, nihimo ug search and retrieval operations  sa duha nga na- missing.

Matud pa ni Police Captain Efren Diaz Jr, kasamtangan nga hepe sa San Francisco Police Station, ang mga biktima giila pinaagi sa ilang mga paryente. —MEL (BANATNEWS)