Supplier sa Sugbo Negosyo gi-blacklist sa Kapitolyo
CEBU, Philippines — Usa ka partner merchant alang sa Sugbo Negosyo program sa Kapitolyo ang gi- blacklist human nilapas sa terms ug conditions sa Memorandum of Agreement (MOA) nga gipirmahan niini tali sa Probinsya. Suma pa ni Gobernador Gwendolyn Garcia nga ang maong supplier nitambong og training unya moduol sa mga tawo unya ipausab ang orihinal nga kinahanglan nga supply nga mohaom sa ilang available supply.
“It turns out kaning particular supplier ni-attend sa training og sige ug duol sa mga tawo unya ilang pausbon. Ipausab sa ilang original needs list aron muangkop sa ilang available supply. Hassler type ba, ilang gi-twist atong rules to their end" matud ni Garcia.
Wa ginganlan ni Garia ang maong mechant apan matod pa gigamit niini ang Sugbo Negosyo program alang sa ilang kaugalingong networking ug gipang-agni ang mga beneficiaries nga mobalhin sa ilaha.Tungod niini usa ka text blast ang gipadala ngadto sa mga beneficiaries pagpahibalo sa pag blacklist sa maong merchant.
Ang Sugbo Negosyo program sa Kapitolyo usa ka programa nga naghatag og capital sa mga Sugboanon nga makasugod sa ilang negosyo o makabangon balik sa ilang negosyo nga naapektohan sa pandemya sa COVID-19. —MEL (BANATNEWS)
- Latest